კონფერენციები

2017 წლის 28 მარტს, ბათუმის შოთა რუსთაველის სახელმწიფო უნივერსიტეტი და ილიას სახელმწიფო უნივერსიტეტის პოლიტოლოგიის ინსტიტუტი ატარებენ სამეცნიერო კონფერენციას თემაზე: „1917 წლის თებერვლის რევოლუცია და საქართველოს პოლიტიკური პარტიები: მომავლის განსხვავებული ხედვა“.
კონფერენციაში მონაწილეობის მსურველებმა უნდა გამოაგზავნონ მოხსენების აბსტრაქტი 300-500 სიტყვის მოცულობით 18 მარტამდე მისამართზე: malkhaz.matsaberidze@iliauni.edu.ge

ბათუმის შოთა რუსთაველის სახელმწიფო უნივერსიტეტის თანაორგანიზატორობით იმართება საერთაშორისო სამეცნიერო-პრაქტიკული კონფერენცია.

ძვირფასო კონფერენციის მონაწილეებო!

გაცნობებთ, რომ თქვენი მოხსენება ჩართულია კონფერენციაში (იხ. კონფერენციის პროგრამის სამუშაო ვერსია) და 21-22-23 ოქტომბერს გიწვევთ სემიოტიკის მე-7 საერთაშორისო კონფერენციაზე ბათუმის შოთა რუსთაველის სახელმწიფო უნივერსიტეტში;

გაცნობებთ, რომ კონფერენცია ნაწილობრივ დააფინანსა აჭარის ა/რ განათლების, კულტურისა და სპორტის სამინისტრომ. დაფინანსება მოიცავს:

• 22-23 ოქტომბერს საუზმეს, ლანჩს, ყავის შესვენებას
• საკონფერენციო ჩანთების დამზადებას
• საკონფერენციო მასალების - პოსტერების, პროგრამების დაბეჭდვას
• კონფერენციის შემდგომ შერჩეული მოხსენებების ბეჭდვას ორ ტომად: 1) სემიოტიკის მე-16 ნომერი;
2) ჰუმანიტარული კვლევები (ერთტომეული)
• აგრეთვე მხოლოდ კონფერენციის საორგანიზაციო და სამეცნიერო საბჭოს სასტუმროს ხარჯებს

2016 წლის 17-22 ოქტომბერს ივანე ჯავახიშვილის სახელობის თბილისის სახელმწიფო უნივერსიტეტში გაიმართება VII საერთაშორისო ქართველოლოგიური სიმპოზიუმი.

საგანმანათლებლო და კვლევითი ორგანიზაცია - ააიპ „სოციალური კვლევისა და ანალიზის ინსტიტუტი“, აჭარის განათლების, კულტურისა და სპორტის სამინისტროს დაფინანსებით და ბათუმის შოთა რუსთაველის სახელობის სახელმწიფო უნივერსიტეტის მხარდაჭერით ახორციელებს საზაფხულო სკოლას სახელწოდებით - კრიტიკული აზროვნება სოციალურ მეცნიერებებში. საზაფხულო სკოლის მიზანია სტუდენტებში კრიტიკული აზროვნების განვითარება, რაც გულისხმობს სკეპტიციზმის გამომუშავებას და საკითხის კრიტიკული შეფასებისა და მასზე რეფლექსიის სტიმულირებას. ამავე დროს, საზაფხულო სკოლისა და სალექციო კურსის ორგანიზება „კრიტიკულ აზროვნებაში“, წაახალისებს სტუდენტებს თავიანთი თეორიული ცოდნის პრაქტიკაში გამოყენებისა და სოციალური რეალობის რეფორმირებისკენ.