ანონსები

27 ნოემბერს, 10:00 საათზე, სააქტო დარბაზში გაიმართება შეხვედრა ბსუ-ს პროფესიულ პროგრამებზე ჩარიცხულ სტუდებტებთან

21 ნოემბერს, 14:00 საათზე, ბათუმის შოთა რუსთაველის სახელმწიფო უნივერსიტეტში, 307-ე აუდიტორიაში (II კორპუსი) ჩატარდება შოთა რუსთაველის ეროვნული სამეცნიერო ფონდის მიერ დაფინანსებული სამეცნიერო გრანტის - „დასავლეთ საქართველოში გავრცელებული კივის, ფეიჰოას, მოცვის და სხვა კენკროვნების ნაყოფის ქიმიური შედგენილობის შესწავლა მოკრეფის, შენახვის და შეფუთვის ოპტიმალური წესების დასადგენად“ პროექტის ანგარიში.

21 ნოემბერს, 16:00 საათზე, ბათუმის შოთა რუსთაველის სახელმწიფო უნივერსიტეტში 37-ე აუდიტორიაში (I კორპუსი) ჩატარდება შოთა რუსთაველის ეროვნული სამეცნიერო ფონდის მიერ, საზღვარგარეთ არსებული ქართული მატერიალური და სულიერი მემკვიდრეობის სამეცნიერო კვლევების ფარგლებში დაფინანსებული სამეცნიერო გრანტის - „ქართველ მუსლიმთა მატერიალური და სულიერი მემკვიდრეობა თურქეთში“ - შემაჯამებელი ანგარიში და პრეზენტაცია.

22 ნოემებრს, 11:00 საათზე, ბათუმის შოთა რუსთაველის სახელმწიფო უნივერსიტეტში, 534-ე აუდიტორიაში (II კორპუსი) დემოკრატიული ჩართულობის ცენტრების ორგანიზებით სტუდენტებისა და პროფესორ-მასწავლებლებისათვის შეხვედრა გაიმართება ადამიანის უფლებათა დაცვის საკითხებზე. უფლებების დაცვის სამდივნოს უფროსი ნატალია ჯალიაშვილი და ამავე სამდივნოს მრჩეველი თორნიკე დვალი ისაუბრებენ სოციალური და სამოქალაქო-პოლიტიკური უფლებების ურთიერთდამოკიდებულებასა და მათი განუყოფლობის საკითხებზე.

21 ნოემბერს, 13:00 საათზე, ბათუმის შოთა რუსთაველის სახელმწიფო უნივერსიტეტში, 515-ე აუდიტორიაში (კორპუსი II) ადამიანის უფლებების სწავლებისა და მონიტორინგის ცენტრის (EMC) ორგანიზებით გაიმართება შეხვედრა თემაზე: „მნიშვნელოვანი რეფორმები ნარკოპოლიტიკასა და მართლმსაჯულების სფეროში“. ღონისძიებაზე წარმოდგენილი იქნება მოხსენებები შემდეგ საკითხებზე: „რას შეცვლის ნარკოპოლიტიკის რეფორმა და როგორია სამოქალაქო სექტორის ხედვა რეფორმის საჭიროებასთან დაკავშირებით“ და „პოლიციის და მოქალაქის ურთიერთობისას უფლებების დაცვის რა გარანტიებს იცნობს კანონმდებლობა და რა ცვლილებებია ამ მიმართულებით“.