ბათუმის შოთა რუსთაველის სახელმწიფო უნივერსიტეტი ბსუ-ს სტუდენტებისთვის აცხადებს საერთაშორისო მობილობის (ერაზმუს+; აჭარის ავტონომიური რესპუბლიკის სამინისტროს პროგრამის -,,სწავლა საზღვარგარეთ“) კონკურსს ევროპის უნივერისტეტებში მობილობის განსახორციელებლად 2025-2026 სასწავლო წლის გაზაფხულის სემესტრისთვის; დეტალური ინფორმაცია მიმღები უნივერსიტეტების და ვაკანტური ადგილების შესახებ იხ. დანართ #1/დანართი #2;
გთხოვთ, გაითვალისწინოთ (გადაამოწმოთ), რომ მიმღები უნივერსიტეტების და ვაკანტური ადგილების შესახებ ინფორმაცია შეიძლება განახლდეს.
საერთაშორისო მობილობის კონკურსში მონაწილეობისათვის კონკურსანტი (სტუდენტი) უნდა აკმაყოფილებდეს შემდეგ მოთხოვნებს:
- უნდა იყოს აქტიური სტატუსის მქონე ბსუ-ს სტუდენტი (გარდა პირველი და ბოლო სემესტრის სტუდენტისა - პირველი საფეხურის/ერთსაფეხურიანი/ინტეგრირებული საბაკალავრო-სამაგისტრო პროგრამების სტუდენტის შემთხვევაში და ბოლო სემესტრის სტუდენტისა - მაგისტრატურისა და დოქტორანტურის სტუდენტის შემთხვევაში);
- არ უნდა ჰქონდეს მოპოვებული ერაზმუს მუნდუსის/ერაზმუს+/სამინისტროს შესაბამისი პროგრამის გრანტი ანალოგიურ საფეხურზე (გარდა მოკლევადიანი მობილობისა) - ბაკალავრიატი/ერთსაფეხურიანი/მაგისტრატურა/დოქტორანტურა (შენიშვნა: დასაშვებია სტუდენტმა მონაწილეობა მიიღოს საერთაშორისო მობილობის სხვადასხვა კონკურსში).
- ბოლო 5 წლის განმავლობაში 12 თვეზე მეტი ვადით არ უნდა იყოს ნაცხოვრები (არ უნდა ჰქონდეს გატარებული 12 თვეზე მეტი) ევროკავშირის ქვეყანაში;
- საკონკურსო განაცხადი უნდა შეიტანოს იმ საფეხურის საგანმანათლებლო სტუდენტებისათვის განსაზღვრულ კონკურსში, რომელზეც ირიცხება სტუდენტი კონკურსის მიმდინარეობისას;
- საკონკურსო განაცხადის წარდგენის პერიოდისათვის უნდა სწავლობდეს მასპინძელი უნივერსიტეტების მიერ შემოთავაზებული უმაღლესი საგანმანათლებლო პროგრამის ანალოგიურ/თავსებად პროგრამაზე (ძირითადი/major ან დამატებითი/minor) ბსუ-ში ან/და გადიოდეს შესაბამისი მიმართულების სასწავლო კურსებს (მათ შორის თავისუფალ კომპონენტებს).
კონკურსში მონაწილეობის მიზნით კონკურსანტმა (სტუდენტმა) უნდა წარმოადგინოს:
- პირადობის მოწმობის ან საერთაშორისო პასპორტის ასლი;
- ცნობა სტუდენტის სტატუსის შესახებ (ქართულ და ინგლისურ ენებზე);
- Europass CV (ინგლისურ ენაზე):
https://europass.europa.eu/en/create-europass-cv
- მოტივაციის წერილი, არაუმეტეს 1 გვერდისა (ინგლისურ ენაზე);
- ნიშნების ფურცელი (ინგლისურ ენაზე);
- სოციალურ-ეკონომიკური ან ჯანმრთელობის მდგომარეობის დამადასტურებელი ცნობა (არსებობის შემთხვევაში), ინგლისურ ენაზე თარგმანის ნოტარიულად დამოწმებული ასლი);
- სასწავლო ხელშეკრულება, შეთანხმებული გამგზავნი (მშობლიური) უნივერსიტეტის შესაბამისი ფაკულტეტის ხარისხის უზრუნველყოფის სამსახურის წარმომადგენელთან (იხ. დანართი #3, დანართი#4);
- ბაკალავრიატის საფეხურის გავლის დამადასტურებელი დიპლომის დანართი ინგლისურ ენაზე - მხოლოდ მაგისტრატურის პირველი სემესტრის სტუდენტებისთვის);
- მაგისტრატურის საფეხურის გავლის დამადასტურებელი (ან მაგისტრთან გათანაბრებული) დიპლომის დანართი ინგლისურ ენაზე - მხოლოდ დოქტორანტურის პირველი სემესტრის სტუდენტებისთვის;
- დაინტერესების/თანხმობის წერილი (Letter of Interest/ Letter of Acceptence) მასპინძელი უნივერსიტეტიდან - მხოლოდ დოქტორანტურის სტუდენტებისთვის;
-
კონკურსის გამოცხადებამდე არანაკლებ ერთი წლით ადრე აჭარის ა.რ. ადმინისტრაციულ ტერიტორიაზე რეგისტრაციის დამადასტურებელი დოკუმენტი, გაცემული საკონკურსო დოკუმენტაციის წარმოდგენის ვადაში (მხოლოდ აჭარის ა.რ. განათლების სამინისტროს პროგრამის - „სწავლა საზღვარგარეთ“)
კონკურსის მონაწილე სტუდენტს უფლება აქვს შეიტანოს განაცხადი მისთვის სასურველ უნივერსიტეტებში (არაუმეტეს 3 უნივერსიტეტისა). ამ შემთხვევაში, კანდიდატმა განცხადებაში თავად უნდა განსაზღვროს პრიორიტეტები, ასევე ცალ-ცალკე უნდა წარმოადგინოს უნივერსიტეტების შესაბამი სამოტივაციო წერილები და სასწავლო ხელშეკრულებები.
კონკურსის ეტაპები სტუდენტებისთვის:
პირველი ეტაპი - დოკუმენტების მიღება:
2025 წლის 10 ოქტომბერი - 24 ოქტომბერი (15:00 საათამდე)
საერთაშორისო მობილობის კონკურსში კონკურსანტების დოკუმენტაციის მიღება ხდება ელექტრონულად, ბსუ-ს პორტალის კონკურსის გამოცხადების შესახებ ბსუ-ს რექტორის ბრძანებით დადგენილ ვადაში და პირობებით.
ბსუ-ს სტუდენტურ პორტალზე აპლიკანტმა განცხადებაში რექტორის სახელზე უნდა მიუთითოს: ტელეფონის ნომერი (მოქმედი), ელ. ფოსტა (მოქმედი), უცხო ენის (ინგლისური) ტესტირების სასურველი ენა და დონე (B1/B2, მიმღები უნივერსიტეტის მოთხოვნის შესაბამისად).
წარმოსადგენი დოკუმენტები უნდა აიტვირთოს ერთი ფაილის სახით (ZIP).
უცხო ენის ცოდნის დამადასტურებელი საერთაშორისო სერტიფიკატის არსებობის შემთხვევაში სტუდენტი თავისუფლდება ტესტირებიდან.
ტესტირება უცხო ენაში (საგამოცდო ცენტრი): 2025 წლის 27 ოქტომბერი;
იმ სტუდენტებისთვის, ვინც წარმატებით გადალახავს დადგენილ ბარიერს ტესტირების დროს (მინიმალური კომპეტენციის ზღვარია 71 ქულა), დაინიშნება
მესამე ეტაპიც - გასაუბრება შესარჩევ კომისიასთან: 2025 წლის 29 ოქტომბერი.
შესაძლებელია, მიმღები უნივერსიტეტი ინდივიდუალურად დაუკავშირდეს კონკურსანტებს და დამატებით ჩაუტაროს გასაუბრება.
საერთაშორისო მობილობის სტიპენდია მოიცავს: სწავლის საფასურისგან გათავისუფლებას; ყოველთვიურ სტიპენდიას; მგზავრობის ხარჯების ანაზღაურებას.
სტიპენდია არ ანაზღაურებს ვიზისა და საერთაშორისო დაზღვევის ხარჯს!
არასრულად წარმოდგენილი საბუთები არ განიხილება!
დამატებითი კითხვების შემთხვევაში მოგვმართეთ შემდეგ ელ მისამართზე: erasmus@bsu.edu.ge
დანართი 1 დანართი 2
დანართი 3 დანართი 4
სასწავლო პროგრამების კოდები
Course fo Angel Kanchev Unievristy of Ruse Courses for Sarrland University Courses for University of Trieste Courses for University of Vigo Courses for WSB MERITO| უკან |
