აჭარის ა.რ.  სოფლის მეურნეობის მინისტრი ტიტე აროშიძე ბათუმის შოთა რუსთაველის სახელმწიფო უნივერსიტეტის ტექნოლოგიური ფაკულტეტის აგრარული მიმართულების სტუდენტებს შეხვდა და სამინისტროს 2019 წლის პროგრამის ,,საგანმანათლებლო და სამეცნიერო პრაქტიკის დანერგვა’’-ანაზღაურებად სტაჟირებასთან დაკავშირებულ კითხვებს უპასუხა.

შეხვედრას  ბათუმის შოთა რუსთაველის სახელმწიფო უნივერსიტეტის რექტორი მერაბ ხალვაში,  მინისტრის პირველი მოადგილე მამუკა თურმანიძე და უნივერსიტეტის პროფესორ - მასწავლებლები ესწრებოდნენ.

სოფლის მეურნეობის დარგში კვალიფიციური კადრების მომზადების, მათი პრაქტიკული უნარჩვევევბის გამომუშავების, პროფესიული განვითარების ხელშეწყობის მიზნით, აჭარის სოფლის მეურნეობის სამინისტრო ანაზღაურებადი სტაჟირების გასავლელად 6 თვის ვადით მიიღებს უმაღლესი განათლების მქონე პირს ან/და უმაღლესი საგანმანათლებლო დაწესებულების სტუდენტს, სულ 10  სტაჟიორი. მათ შორის:  7 აგრარული მიმართულების, 1 აგროინჟინერიის,  2 ქიმიის, ბიოლოგიის ან ეკოლოგიის.

სტაჟიორი დადგენილი წესით მიიღებს სტაჟირების გავლის დამადასტურებელ სერტიფიკატს. განაცხადების მიღება წარმოებს 2019 წლის 30 იანვრიდან 8 თებერვლის ჩათვლით. კონკურსში მონაწილეობისათვის განცხადების წარდგენა მიმდინარეობს ელექტრონულად, საჯარო სამსახურის ბიუროს ადმინისტრირებულ ვებგვერდზე- www. hr.gov.ge-ზე.