ბათუმის შოთა რუსთაველის სახელმწიფო უნივერსიტეტში საქართველოს განათლების, მეცნიერებისა და ახალგაზრდობის სამინისტროს, ასევე აჭარის განათლებისა და სპორტის სამინისტროს ფინანსური მხარდაჭერით, მეცნიერების ფესტივალის „საზღვაო ქვეყნის ლურჯი პოლიტიკა” ფარგლებში, საერთაშორისო სამეცნიერო კონფერენცია - „შავიზღვისპირეთი ცივილიზაციათა გზაჯვარედინზე IV“ გაიხსნა.
ხელვაჩაურის მუნიციპალიტეტში, პროფესორ ალექსანდრე მსხალაძის სახელობის „მოსწავლეთა სტიპენდიის“ ფარგლებში, წარმატებული მოსწავლეები დაჯილდოვდნენ. პროგრამა ხელვაჩაურის მუნიციპალიტეტის საჯარო სკოლის მოსწავლეების დაფინანსებას ითვალისწინებს, მიმდინარე წელს 58 წარჩინებული მოსწავლე დაჯილდოვდა.
ბათუმის შოთა რუსთაველის სახელმწიფო უნივერსიტეტის ნიკო ბერძენიშვილის ინსტიტუტისა და აშშ-ს სიეტლის უნივერსიტეტის ერთობლივი პროექტის ფარგლებში, ხელვაჩაურის მუნიციპალიტეტში მდებარე ჩხუტუნეთის ციხის ტერიტორიაზე დასრულდა საერთაშორისო არქეოლოგიური ექსპედიცია. პროექტში ჩართული იყვნენ საქართველოს, აშშ-ს, კანადის, დიდი ბრიტანეთის, იტალიისა და ლიეტუვის წარმომადგენლები.
ინდივიდუალური სამეცნიერო კვლევითი პროექტის ფარგლებში, ბათუმის შოთა რუსთაველის სახელმწიფო უნივერსიტეტის ნიკო ბერძენიშვილის ინსტიტუტის ფოლკლორის, დიალექტოლოგიისა და ემიგრანტული ლიტერატურის კვლევის განყოფილების მთავარი მეცნიერი თანამშრომელი ნარგიზ ახვლედიანი მივლინებით იმყოფებოდა სვანეთში, ლანჩვალის უბანში, ბაპშას თემში.
ბათუმის შოთა რუსთაველის სახელმწიფო უნივერსიტეტში წიგნი აჭარის წარდგენა გაიმართა. ღონისძიებას ადგილობრივი ხელისუფლების, აკადემიური და სამეცნიერო წრეების წარმომადგენლები ესწრებოდნენ. წიგნ „აჭარაში“ წარმოდგენილია აჭარის ისტორია უძველესი დროიდან თანამედროვეობამდე. იგი რამდენიმე თავისგან შედგება და ეფუძნება ზეპირსიტყვიერ, არქეოლოგიურ, ისტორიულ წყაროებსა და მეცნიერთა არაერთი თაობის კვლევებს.
