მიმდინარე წლის 7-9 ოქტომბერს, რუმინეთის ქალაქ რუმნიკუ ვულჩაში, კონსტანცას ოვიდიუსის უნივერსიტეტისა და ბათუმის შოთა რუსთაველის სახელმწიფო უნივერსიტეტის ნიკო ბერძენიშვილის ინსტიტუტის თანაორგანიზებით, გაიმართა საერთაშორისო სამეცნიერო კონფერენცია „ახალი კვლევები წმინდა ანთიმოზ ივერიელის სიცოცხლესა და მოღვაწეობასთან დაკავშირებით”. ღონისძიებაზე წარმოდგენილი იყო მოხსენებები თეოლოგიის, ისტორიის, ფილოლოგიისა და კულტუროლოგიის მიმართულებებით.

ბათუმის შოთა რუსთაველის სახელმწიფო უნივერსიტეტის ნიკო ბერძენიშვილის ინსტიტუტის ფოლკლორის, დიალექტოლოგიისა და ემიგრანტული ლიტერატურის კვლევის განყოფილების მთავარი მეცნიერი თანამშრომელი, ნარგიზ ახვლედიანი, სამეცნიერო მივლინებით იმყოფებოდა სევილიაში (ესპანეთი) „განათლების, კვლევისა და ინოვაციების“ მე-18 ყოველწლიურ საერთაშორისო სამეცნიერო კონფერენციაზე, რომელიც მოიცავდა საუბრებს, პოსტერებსა და ზეპირ მოხსენებებს.

ბათუმის შოთა რუსთაველის სახელმწიფო უნივერსიტეტის ნიკო ბერძენიშვილის ინსტიტუტის ფოლკლორის, დიალექტოლოგიისა და ემიგრანტული ლიტერატურის კვლევის განყოფილების მთავარი მეცნიერი თანამშრომელი ნარგიზ ახვლედიანი (თანაავტორები: ივანე ჯავახიშვილის სახელობის თბილისის სახელმწიფო უნივერსიტეტის ენების შემსწავლელი ცენტრის მასწავლებელი, ფილოლოგიის დოქტორი, ლელა ჩოთალიშვილი და ბათუმის შოთა რუსთაველის სახელმწიფო უნივერსიტეტის ზუსტი მეცნიერებებისა და განათლების ფაკულტეტის ასოცირებული პროფესორი, დიანა ახვლედიანი) სამეცნიერო მივლინებით იმყოფებოდა პარიზში ოთხდღიან საერთაშორისო სამიტზე „სამხრეთ კავკასიური ცარცის წრე - 4“, რომელიც მოიცავდა საუბრებს, პოსტერულ და ზეპირ მოხსენებებს. სამიტი აერთიანებდა ლინგვისტებს, რომლებიც სამეცნიერო საქმიანობის სხვადასხვა ეტაპზე იკვლევენ სამხრეთ კავკასიურ ენებს.

ნიკო ბერძენიშვილის ინსტიტუტის 2025 წლის სამეცნიერო გეგმით გათვალისწინებული პროექტის - "ეროვნული იდენტობის აღქმა თურქეთის ქართველების ისტორიულ-კულტურულ მეხსიერებაში (დევსქელისა და მურღულის ხეობის მაგალითზე)" - ფარგლებში, ნიკო ბერძენიშვილის ინსტიტუტის დირექტორი როინ მალაყმაძე, ამავე ინსტიტუტის ისტორიისა და არქეოლოგიის განყოფილების უფროსი მეცნიერი თანამშრომელი მაია ჭიჭილეიშვილი და ხელოვნებათმცოდნეობის მაგისტრი ნელი ჩაკვეტაძე, მიმდინარე წლის 24-25 აგვისტოს, სამეცნიერო მივლინებით იმყოფებოდნენ თურქეთში, ართვინის ვილაიეთში.

ბათუმის შოთა რუსთაველის სახელმწიფო უნივერსიტეტში საქართველოს განათლების, მეცნიერებისა და ახალგაზრდობის სამინისტროს, ასევე აჭარის განათლებისა და სპორტის სამინისტროს ფინანსური მხარდაჭერით, მეცნიერების ფესტივალის „საზღვაო ქვეყნის ლურჯი პოლიტიკა” ფარგლებში, საერთაშორისო სამეცნიერო კონფერენცია - „შავიზღვისპირეთი ცივილიზაციათა გზაჯვარედინზე IV“ გაიხსნა.