ბსუ-ში საახალწლო კონცერტი და წარმატებულ სტუდენტთა დაჯილდოება გაიმართა. ბათუმის შოთა რუსთაველის სახელმწიფო უნივერსიტეტის რექტორმა ტიტე აროშიძემ სტუდენტებსა და პროფესორ-მასწავლებლებს დამდეგი შობა-ახალი წელი მიულოცა და წარმატებები უსურვა. რექტორმა მოადგილეებთან ერთად, „სტუდენტური დღეები 2025”-ის ფარგლებში გამარჯვებული სტუდენტები დააჯილდოვა, ასევე წლის საუკეთესო ფაკულტეტად დასახელდა ეკონომიკისა და ბიზნესის ფაკულტეტი.

ბსუ-ს 90 წლის საიუბილეო ღონისძიებების ფარგლებში, სტუდენტთა ნახატების გამოფენა-კონკურსი „მოტივARTორი - ხელოვნება ყველა ფაკულტეტს“ გაიმართა. სტუდენტებმა თავიანთ ნამუშევრებში ბათუმის შოთა რუსთაველის სახელმწიფო უნივერსიტეტი სხვადასხვა მხატვრულ სტილში წარმოადგინეს - ძველი, თანამედროვე და მომავლის ხედვით, ასევე წლის სხვადასხვა სეზონის ინტერპრეტაციით.

ბსუ-ში სტუდენტური მუსიკალური ღონისძიება - „შემოდგომის სერენადები“ გაიმართა. საღამოზე სხვადასხვა ფაკულტეტის სტუდენტებმა და ლექტორებმა ერთად შეასრულეს მუსიკალური ნომრები.

ბსუ-ში „თამაზ ბექაიას საგანმანათლებლო ფონდის“ ხელმძღვანელმა ლევან ბექაიამ 2025-2026 სასწავლო წლის შემოდგომის სემესტრის პრემიისა და სტიპენდიების მფლობელები დააჯილდოვა.
პრემია გადაეცა ერთიან ეროვნულ გამოცდებზე ქართულ ენასა და უცხო ენაში ყველაზე მაღალი შედეგის მქონე ბსუ-ს მათემატიკის საბაკალავრო საგანმანათლებლო პროგრამის სტუდენტს იმედა ლომაძეს.

2025 წლის 20 ივლისს „ერაზმუს+“-ის საგრანტო პროექტის „უმაღლეს საგანმანათლებლო დაწესებულებებში პროფესიული განათლებისა და სტუდენტების ჩართულობის ხელშეწყობა მენტორინგისა და ტუტორინგის სისტემით - PROMENT” ფარგლებში, სტუდენტები ეწვივნენ აჭარის ავტონომიური რესპუბლიკის უმაღლეს საბჭოს. ვიზიტის ფარგლებში, სტუდენტებს შესაძლებლობა მიეცათ დეტალურად გაცნობოდნენ უმაღლესი საბჭოს სტრუქტურას, საკანონმდებლო პროცესის სპეციფიკას, კანონშემოქმედებითი საქმიანობის პრინციპებს, საკომიტეტო მუშაობასა და რეგლამენტით განსაზღვრულ ძირითად მექანიზმებს.