ბათუმის შოთა რუსთაველის სახელმწიფო უნივერსიტეტში სტუდენტთა საუნივერსიტეტო სამეცნიერო კონფერენცია - 2023 გაიხსნა. სხვადასხვა ფაკულტეტის 350-ზე მეტი სტუდენტი სამეცნიერო მოხსენებებს ოცდაათი სექციის მიმართულებით წარმოადგენს. ახალგაზრდა მკვლევართა ნაშრომებს უნივერსიტეტის პროფესორ-მასწავლებლები შეაფასებენ და სექციის საპრიზო ადგილზე გასული მოხსენებების ავტორებს ფულად ჯილდოს გადასცემენ. კონფერენციის ფარგლებში გამოიცემა კრებული, რომელშიც თითოეული სექციის სამი საუკეთესო სამეცნიერო მოხსენება დაიბეჭდება. სამეცნიერო სესიის მიზანია, ხელი შეუწყოს ახალგაზრდების სამეცნიერო საქმიანობაში ჩართვას, მეცნიერული უნარ-ჩვევების ჩამოყალიბებასა და განვითარებას.

ბათუმის შოთა რუსთაველის სახელმწიფო უნივერსიტეტის სტუდენტთა საუნივერსიტეტო სამეცნიერო კონფერენციის საინფორმაციო შეხვედრები გაიმართა. ბსუ-ს სტუდენტთა სამეცნიერო საზოგადოებისა და კონფერენციის ორგანიზატორებმა სხვადასხვა ფაკულტეტის სტუდენტებს კონფერენციაში მონაწილეობისა და სამეცნიერო სტატიის გაფორმების წესები გააცნეს. ბსუ-ს „სტუდენტთა საუნივერსიტეტო სამეცნიერო კონფერენცია - 2022“ 29-30 ივნისს გაიმართება.

2021 წლის 18-19 ივნისს გაიმართება ბათუმის შოთა რუსთაველის სახელმწიფო უნივერსიტეტის სტუდენტთა საუნივერსიტეტო სამეცნიერო კონფერენცია - 2021. სტუდენტმა კონფერენციაში მონაწილეობისთვის 2021 წლის 7 თებერვლიდან 7 მარტის ჩათვლით portal.bsu.edu.ge-ზე უნდა დაარეგისტრიროს სამეცნიერო ნაშრომის სათაური და სამეცნიერო ხელმძღვანელის სახელი-გვარი (აკადემიური თანამდებობის მითითებით).

ბათუმის შოთა რუსთაველის სახელმწიფო უნივერსიტეტში საქართველოს პირველი დემოკრატული რესპუბლიკის პარლამენტის დაარსებიდან 100 წლის იუბილესადმი მიძღვნილი სტუდენტთა სამეცნიერო კონფერენცია გაიხსნა. ორი დღის განმავლობაში სხვადასხვა ფაკულტეტის 150 სტუდენტი სამეცნიერო მოხსენებებს ცხრამეტი სექციის მიმართულებით წარმოადგენს. კონფერენციის მიზანია, ხელი შეუწყოს ახალგაზრდების სამეცნიერო საქმიანობაში ჩართვას, მეცნიერული უნარ-ჩვევების ჩამოყალიბებასა და განვითარებას.

დასრულდა ბათუმის შოთა რუსთაველის სახელმწიფო უნივერსიტეტის საქართველოს დამოუკიდებლობის აღდგენის 100 წლის იუბილესადმი მიძღვნილი სტუდენტთა სამეცნიერო კონფერენცია. უნივერსიტეტის რექტორმა მერაბ ხალვაშმა, რექტორის მოადგილემ ნათია წიკლაშვილმა, სტუდენტთა კარიერული განვითარების, კულტურისა და სპორტის დეპარტამენტის უფროსმა მერაბ დიასამიძემ და იურიდიული ფაკულტეტის დეკანმა ადამ მახარაძემ კონფერენციის მონაწილეებს სერტიფიკატები გადასცეს. სექციების მიხედვით, 54 საპრიზო ადგილის მფლობელი ფულად ჯილდოს მიიღებს, ხოლო ყველა მიმართულების პირველ ადგილზე გასულ 18 საუკეთესო მომხსენებელს სურვილის შემთხვევაში, 1000 ლარის ოდენობით დაუფინანსდება საერთაშორისო კონფერენციაში მონაწილეობა.