2021 წლის 11-12 ნოემბერს ყაზახეთში გაიმართება II ონლაინ საერთაშორისო კონფერენცია თემაზე: „II საერთაშორისო სამეცნიერო ფორუმი ინფორმატიკასა და ენერგეტიკაში (WFCES-II 2021)“. კონფერენციის მასალები იბეჭდება კრებულში IP Conference proceedings (ISSN: 1551-7616), რომელიც ინდექსირებულია Scopus-ის ბაზაში. განაცხადის მიღების ბოლო ბადაა 2021 წლის 20 ოქტომბერი. დამატებითი ინფორმაციისათვის ეწვიეთ ვებგვერდს: https://ide-rus.ru/wfces2021/eng

პოლონეთის მეცნიერებათა აკადემიის პოლიტიკური კვლევების ინსტიტუტის ორგანიზებით, გაიმართება ონლაინ კონფერენცია: „ცოდნის მიგრაცია ჰუმანიტარულ და სოციალურ მეცნიერებებში”. კონფერენცია ჩატარდება 15-16 ოქტომბერს, Zoom-ის პლატფორმის საშუალებით. კონფერენციაში მონაწილეობის მსურველებმა იხილეთ კონფერენციის ბმული და პროგრამა.

29 ოქტომბერს, ეროვნული თავდაცვის აკადემიაში გაიმართება საერთაშორისო სამეცნიერო - პრაქტიკულ კონფერენცია „ახალი ტექნოლოგიების როლი და მნიშვნელობა შეიარაღებულ კონფლიქტებში". დამატებითი ინფორმაციისთვის მიმართეთ ეროვნული თავდაცვის აკადემიის სამეცნიერო-კვლევითი ცენტრის უფროსს, პოლკოვნიკ გიორგი ლაღიაშვილს (ტელ: 591 55 06 06).

საქართველოსა და ევროკავშირს შორის წარმატებით დასრულდა მოლაპარაკება პროგრამაში "Horizon Europe" საქართველოს ასოცირების თაობაზე. ასევე საქართველოს, როგორც "Widening" ქვეყანას, აქვს საშუალება მონაწილეობა მიიღოს ამ პროგრამით გათვალისწინებული მხარდაჭერის პროექტებში, რაც მნიშვნელოვან შესაძლებლობებს ქმნის როგორც კვლევის, ასევე კვლევების მართვის სტრუქტურების მხარდაჭერის თვალსაზრისით. ამჟამად, გამოცხადებულია რამდენიმე კონკურსი, რომელთა დედლაინიც არის 2021 წლის ნოემბერსა და 2022 წლის იანვარში.

ეროვნული თავდაცვის აკადემია გეგმავს სამხედრო-სამეცნიერო შრომების კრებულის გამოცემას. კრებულში საკუთარი ნაშრომების გამოქვეყნების მსურველებმა სამეცნიერო თემები უნდა გამოგზავნონ მიმდინარე წლის 12 ნოემბრამდე, დანართი №1-ით გათვალისწინებული სტანდარტის შესაბამისად აკადემიის ოფიციალურ ელექტრონულ მისამართზე: milstatia@eta.edu.ge