აგრარული და მემბრანული ტექნოლოგიების ინსტიტუტის მეცნიერებმა ნინო კიკნაძემ, იამზე ჩხარტიშვილმა და ნინო მხეიძემ მონაწილეობა მიიღეს საერთაშორისო კონფერენციაში „მე-7 ევრაზიული კონფერენცია: RISK 2025–Risk-oriented Design and Operation of Infrastructure Systems: Sustainability Paradigm“ („ინფრასტრუქტურული სისტემების რისკზე ორიენტირებული დიზაინი და ექსპლუატაცია: მდგრადობის პარადიგმა“), რომელიც 21-23 ოქტომბერს ბაქოში, აზერბაიჯანის ნავთობისა და მრეწველობის სახელმწიფო უნივერსიტეტში გაიმართა.

ბათუმის შოთა რუსთაველის სახელმწიფო უნივერსიტეტის აგრარული და მემბრანული ტექნოლოგიების ინსტიტუტის თანამშრომლები: მთავარი მეცნიერი თანამშრომელი მერაბ არძენაძე და აგრონომი თეიმურაზ გორგილაძე მიმდინარე წლის 22 სექტემბრიდან 24 სექტემბრამდე სამეცნიერო მივლინებით იმყოფებოდნენ აჭარის მოსაზღვრე თურქეთის ტერიტორიაზე, ისტორიულ სამხრეთ საქართველოში.ექსპედიციის მიზანი იყო ძველი ქართული ადგილ-დასახელების სოფლებში შემორჩენილი ვაზის ენდემური ჯიშების და ფორმების მოძიება, საკოლექციო მასალის მოპოვება, მათი რეინტროდუქცია საქართველოში, შემდგომში კოლექციის გაშენებისა და ჯიშების იდენტიფიკაციის ჩასატარებლად ნარგაობის დაფუძნება.

აგრარული და მემბრანული ტექნოლოგიების ინსტიტუტის მკვლევრები - ნინო კიკნაძე და ნინო მხეიძე, მიმდინარე წლის 29 ივნისიდან 6 ივლისამდე მონაწილეობდნენ კომპლექსურ სასწავლო-სამეცნიერო ექსპედიციაში, ბსუ-ს საბუნებისმეტყველო მეცნიერებათა და ჯანდაცვის ფაკულტეტის ასოცირებულ პროფესორ ნანი გვარიშვილთან და ბსუ-ს ეკოლოგიის საბაკალავრო პროგრამის და ბიოლოგიის სამაგისტრო პროგრამის სტუდენტებთან ერთად.

ბათუმის შოთა რუსთაველის სახელმწიფო უნივერსიტეტი ღრმა მწუხარებას გამოთქვამს ბსუ-ს აგრარული და მემბრანული ტექნოლოგიების ინსტიტუტის მემბრანული ტექნოლოგიების განყოფილების უფროსი მეცნიერ-თანამშრომლის, ტექნიკურ მეცნიერებათა დოქტორის, ბატონი ზურაბ კონცელიძის გარდაცვალების გამო. ბატონმა ზურაბ კონცელიძემ მნიშვნელოვანი წვლილი შეიტანა აგრარული და მემბრანული ტექნოლოგიების განვითარების საქმეში. იგი იყო მრავალი სამეცნიერო სტატიისა და მონოგრაფიის ავტორი, ხელმძღვანელობდა ოთხ სადიპლომო ნაშრომს, მონაწილეობდა არაერთ სამეცნიერო გრანტში და ფლობდა ოთხ საავტორო მოწმობას.

აგრარული და მემბრანული ტექნოლოგიების ინსტიტუტის უფროსმა მეცნიერ თანამშრომელმა, ნუნუ კუტალაძემ, მეცნიერ თანამშრომელმა თამარ გოგოლიშვილმა, სტაჟიორ სტუდენტებთან - ლიკა ხარაძესთან და ქრისტინა რევაზიშვილთან ერთად აგროქიმისა და ნიადაგმცოდნეობის ლაბორატორიაში უმასპინძლეს სატელევიზიო სკოლის KIDs CLUB TV სკოლის მოსწავლეებს. ღონისძიების მიზანი იყო ახალგაზრდებისთვის აგროსფეროს მნიშვნელობის წარმოჩენა, ფერმერთა ცხოვრების გაცნობა და პროფესიულ ორიენტაციაში მხარდაჭერა. ვიზიტის ფარგლებში, სკოლის მოსწავლეებისთვის წაიკითხეს ლექცია თემაზე: „ნიადაგი და მისი როლი აგროსფეროს განვითარებაში’’.