იაპონიის მთავრობამ 2020 წლისათვის გამოყო სტიპენდიები იაპონიის უნივერსიტეტებში ბაკალავრიატისა და მკვლევარის პროგრამებზე სასწავლებლად. იაპონიის საელჩოში საბუთების წარდგენის ბოლო ვადაა 2019 წლის 7 ივნისი.

2020 წლის 2-4 აპრილს, სლოვაკეთში, ქალაქ ბანსკა ბისტიკაში გაიმართება საერთაშორისო კონფერენცია „აღქმა ენასა და დისკურსში“. კონფერენცია ოპოლის უნივერსიტეტის ფრანგული ენისა და კულტურის ინსტიტუტის (პოლონეთი), მატეჟ ბელ უნივერსიტეტისა (სლოვაკეთი) და ალზასის უნივერსიტეტის ენებისა და ჰუმანიტარულ მეცნიერებათა ფაკულტეტის (საფრანეგთი) ორგანიზებით ტარდება. აბსტრაქტის გაგზავნის ბოლო ვადაა 2019 წლის 15 ნოემბერი. დამატებითი ინფორმაცია იხილეთ დანართებში.

თბილისის ივანე ჯავახიშვილის სახელობის სახელმწიფო უნივერსიტეტი უნივერსიტეტი ამა წლის 14-15 ნოემბერს, ასი წლის იუბილესთან დაკავშირებით, ფრანკოფონიის საუნივერსიტეტო სააგენტოსთან ერთად მართავს საერთაშორისო სამეცნიერო კონფერენციას: „ლინგვისტიკა, ლიტერატურა, დიდაქტიკა“.

1-5 აპრილს ერაზმუს+-ის ადმინისტრაციული პერსონალის გაცვლითი პროგრამის ფარგლებში საფრანგეთში, ნორმანდიის რუანის უნივერსიტეტში იმყოფებოდნენ ბსუ-ს საგარეო ურთიერთობათა და სტრატეგიული განვითარების დეპარტამენტის უფროსის მოადგილე, ერაზმუს+-ის გაცვლითი პროგრამების კოორდინატორი ნანა ყურშუბაძე და სამეცნიერო კვლევების სამსახურის უფროსი თამარ მაჭუტაძე. შეხვედრები შედგა რუანის უნივერსიტეტის საგარეო ურთიერთობათა დეპარტამენტის ხელმძღვანელთან ანა დანდევილთან, პროექტებისა და საერთაშორისო თანამშრომლობის მენეჯერებთან, სამეცნიერო კვლევების სამსახურის უფროსთან ფილიპ მუგეროსთან, სადოქტორო სკოლის, დისტანციური სწავლების, ევროპისა და საერთაშორისო კვლევების პროგრამებისა და კვლევების დადასტურების ხელმძღვანელებთან.

ვიზიტის ფარგლებში დაიგეგმა სამომავლო თანამშრომლობა ინტერნაციონალიზაციისა და კვლევების მიმართულებით, ასევე, სტუდენტთა საერთაშორისო პრაქტიკა ერაზმუს+ გაცვლითი პროგრამის ფარგლებში.

მაგისტრანტებისა და დოქტორანტებისთვის გამოცხადდა კონკურსი შოთა რუსთაველის ეროვნული სამეცნიერო ფონდისა და იულიხის კვლევითი ცენტრის ერთობლივ კვლევით-საგანმანათლებლო პროგრამაში მონაწილეობის მისაღებად. პროგრამის მიზანია, შესაძლებლობა მისცეს ქართველ სტუდენტებს შეასრულონ მათ სამაგისტრო/სადოქტორო ნაშრომთან დაკავშირებული კვლევები, როგორც ფუნდამენტური, ასევე გამოყენებითი მიმართულებით, მსოფლიოში ცნობილ იულიხის კვლევითი ცენტრის ბაზაზე. ამასთან, პროგრამამ ხელი უნდა შეუწყოს გერმანულ მხარეს, მიიზიდოს საქართველოს უნივერსიტეტებიდან საუკეთესო სტუდენტები და ჩართოს ისინი სამაგისტრო/სადოქტორო პროგრამების ფარგლებში მიმდინარე სამეცნიერო საქმიანობაში.