ბათუმის შოთა რუსთაველის სახელმწიფო უნივერსიტეტის რექტორმა, პროფესორმა მერაბ ხალვაშმა და „იურიდიული დახმარების სამსახურის“ დირექტორმა რაჟდენ კუპრაშვილმა თანამშრომლობის მემორანდუმს მოაწერეს ხელი. ხელშეკრულება ითვალისწინებს ერთობლივი პროექტების განხორციელებას, საგანმანათლებლო პროგრამების შემუშავება–განახლების პროცესში თანამშრომლობის უზრუნველყოფას და უნივერსიტეტის კურსდამთავრებულთათვის სტაჟირების ხელშეწყობას. მემორანდუმი ასევე მიზნად ისახავს სამეცნიერო-კვლევითი საქმიანობის განხორციელებას და სხვადასხვა სახის ღონისძიების ჩატარებას.

ბათუმის შოთა რუსთაველის სახელმწიფო უნივერსიტეტში საზაფხულო სკოლა „კონსტიტუციური დემოკრატია ევროპის კავშირში: თანამედროვე გამოწვევები და საქართველო“ გაიხსნა. საზაფხულო სკოლა ოთხი დღის განმავლობაში გაგრძელდება zoom-ის პლატფორმაზე და მასში მონაწილეობს ბსუ-ს იურიდიული და სოციალურ მეცნიერებათა ფაკულტეტის, საქართველოს სხვა უნივერსიტეტების ბაკალავრიატის და მაგისტრატურის საფეხურის 30 სტუდენტი. საზაფხულო სკოლა ორგანიზებულია ბსუ-ს ჟან მონეს კათედრის პროექტის ფარგლებში, რომელიც დაფინანსებულია ევროკავშირის „ერაზმუს+“ ჟან მონეს პროგრამის მიერ. საზაფხულო სკოლის დეტალური პროგრამა იხილეთ ვებგვერდზე.

ბათუმის შოთა რუსთაველის სახელმწიფო უნივერსიტეტის რექტორმა მერაბ ხალვაშმა და პროფესიული კავშირების აჭარის რესპუბლიკური გაერთიანების თავმჯდომარემ, ზურაბ ცეცხლაძემ თანამშრომლობის მემორანდუმს მოაწერეს ხელი. ხელშეკრულება ითვალისწინებს ერთობლივ პრაქტიკულ საქმიანობას, სტუდენტებისა და კურსდამთავრებულების პროფესიული განვითარების ხელშეწყობას, სამართლებრივი კვლევების წარმართვასა და სხვადასხვა პროექტების ერთობლივად განხორციელებას.
მხარეები მონაწილეობას მიიღებენ სხვადასხვა დონის სამართლის საგანმანათლებლო პროგრამების შემუშავება - განხორციელებასა და ექსპერტიზაში. დაგეგმავენ და განახორციელებენ ერთობლივ სამეცნიერო სემინარებს, კონფერენციებს, ტრენინგებსა და პროექტებს.

ბსუ-ს იურიდიული და სოციალურ მეცნიერებათა ფაკულტეტის სტუდენტებისთვის ტრენინგი ანტიდისკრიმინაციულ სამართალში ჩატარდა. ტრენინგს უძღვებოდნენ ბსუ-ს იურიდიული და სოციალურ მეცნიერებათა ფაკულეტის ასოცირებული პროფესორი, დეკანი ლევან ჯაყელი, ასოცირებული პროფესორი მალხაზ ნაკაშიძე, მოწვეული ლექტორი ნიკოლოზ მეგრელიშვილი, ასევე სულხან-საბა ორბელიანის უნივერსიტეტის სამართლის ფაკულტეტის დეკანი გიორგი გორაძე და მოწვეული ლექტორი ცისია ოქროპირიძე.

ბათუმის შოთა რუსთაველის სახელმწიფო უნივერსიტეტის რექტორმა მერაბ ხალვაშმა და კონსულტაციის და ტრენინგის ცენტრის დირექტორმა ირინე ხანთაძემ თანამშრომლობის მემორანდუმს მოაწერეს ხელი. ხელშეკრულება ითვალისწინებს უნივერსიტეტის იურიდიული და სოციალურ მეცნიერებათა ფაკულტეტის საგანმანათლებლო პროგრამებში არჩევითი სასწავლო კურსის „სამოქალაქო საზოგადოების როლი“ ხელშეწყობასა და განვითარებას. კურსის მიზანია, შესაბამისი პროგრამების სტუდენტებს გააცნოს სამოქალაქო საზოგადოების როლი და მნიშვნელობა, მისი ფუნქციონირების ძირითადი პრინციპები და ხელი შეუწყოს აქტიური მოქალაქის ფორმირებას.