ბსუ-ში პოლონურ-ქართული ურთიერთობის ამსახველი ფოტოგამოფენა მოეწყო შოთა რუსთაველის საქართველოს ეროვნული სამეცნიერო ფონდის მიერ დაფინანსებული პროექტის − ,,პოლონელების დეპორტაცია საქართველოში და პოლონურ-ქართული გეოპოლიტიკური თანამშრომლობა (1830-1921)" − FR-22-9832 − ფარგლებში.

პროექტის ხელმძღვანელი: ასოც. პროფ. ირაკლი ბარამიძე

კოორდინატორი: პროფ. კახაბერ სურგულაძე

პროექტით გათვალისწინებული კვლევის მიზანია კულტურული მეხსიერების ჭრილში, ახალი წყაროების და სამეცნიერო ლიტე­რა­ტუ­რის საფუძველზე 1830-1921 წლებში პოლონურ-ქარ­თული ურთიერთობების ისტორიის შესწავლა მიგრა­ცი­ული და გეოპო­ლი­ტი­კუ­რი მიმართულებებით.

პროექტი სა­მხრეთ კავკა­სიაში დეპორტირებული პოლო­ნე­ლე­ბის ისტო­რიის კომპლექსურად შესწავლის პი­რველი ცდაა. აჯანყებული პოლონელების (XIX საუკუნის 30-60-იანი წლები) დეპორტაციის საკითხები სამეცნიერო წრეებში განიხი­ლებოდა რუსეთის იმპე­რიაში შემავალი ჩრდილოეთ კავკასიის და აღმოსავლეთ ციმბირის მაგალითებზე. შესაბა­მი­სად, სამხრეთ კავკასიაში მათი მიგრაცია-ადაპტაციის საკითხები ნაკლებად არის შესწავლილი. არადა, ეს საკითხები უდავოდ წარმოადგენს სამეცნიერო ინტერესს, იგი შესაძლებლობას გვაძლევს გამოვავლინოთ აჯანყებული პოლონელების ურთიერთობა საქართველოში მიმდინარე ეროვნულ-განმანთავისუფლებელი მოძრაობის წევრებთან, განვსაზღვროთ მათი როლი და პოლონელების ადგილობრივ მოსახლეობასთან ინტეგ­რაციის მიზეზები.

საქა­რ­თვე­ლოს სწრა­ფვა ევროპული თანამეგო­ბრო­ბი­ს სისტემაში მოითხოვს მის ტერი­ტო­რი­აზე მცხო­ვრებ სხვადასხვა ერის წარმომადგენლებთან ურთი­­ერთო­ბების ისტორიის ახლებურ გა­აზრე­ბას, მის გა­­თა­ვი­სუ­ფლებას საბჭო­თა პერიოდის მითები­სგან. პოლონელების მიერ ჩა­­მოტანილი ევროპული ფასე­ულო­­ბე­ბი აისახა ადგილობრივ კუ­ლ­ტუ­­­რა­ში. დღეს, პო­­ლო­­ნე­თი არის საქა­რ­თ­ველოს აქტიური მხარდამჭერი ევროსტრუ­ქტურებსა და ნა­ტოში ინტეგრა­ციის გზაზე. ამიტომაც საკვლევი პრობლემატიკა იქნება გარკვეული წვლილი პოლონურ-ქართული ურთიერთობების ისტორიის შესაწავლაში.

პროექტი, რომელიც დაიწყო 2023 წელს, სრულდება 2026 წლის დეკემბერში. კვლევის შედეგები აისახება ამავე სათაურის მქონე მონოგრაფიაში, რომელსაც ექნება ვრცელი ინგლისური რეზიუმე.