ახალი ამბები
17.12.2025

12 დეკემბერს იაპონიის დედაქალაქ ტოკიოში, სამუშაო ვიზიტის ფარგლებში ბათუმის შოთა რუსთაველის სახელმწიფო უნივერსიტეტის რექტორი, ტიტე აროშიძე დელეგაციის წევრებთან ერთად, ტოკიოს მეტროპოლიტენის უნივერსიტეტის რექტორს, პროფესორ ტაკაია ოჰაშის და ჰუმანიტარულ მეცნიერებათა ფაკულტეტის დეკანს, ქართველოლოგ ჰიროტაკე მაედას შეხვდა. დელეგაციის შემადგენლობაში იყვნენ: აჭარის ა.რ. უმაღლესი საბჭოს განათლების, მეცნიერების, კულტურისა და სპორტის საკითხთა კომიტეტის თავმჯდომარე დავით ბაციკაძე, ბსუ-ს ადმინისტრაციის ხელმძღვანელი მერაბ დიასამიძე და ბსუ-ს იაპონური ენის მასწავლებელი ლაშა ბოლქვაძე. შეხვედრას ასევე ესწრებოდა საქართველოს საგანგებო და სრულუფლებიანი ელჩი იაპონიაში, თეიმურაზ ლეჟავა.

12 დეკემბერს, ბათუმის შოთა რუსთაველის სახელმწიფო უნივერსიტეტის რექტორი ტიტე აროშიძე, საქართველოს საგანგებო და სრულუფლებიან ელჩთან იაპონიაში თეიმურაზ ლეჟავასთან ერთად, ტოკიოს საზღვაო მეცნიერებისა და ტექნოლოგიების უნივერსიტეტის რექტორს ისეკი ტოშიოს შეხვდა. შეხვედრაზე მხარეებმა განიხილეს ორ უნივერსიტეტს შორის სამომავლო თანამშრომლობის საკითხები. საუბარი შეეხო ერთობლივი საგანმანათლებლო და სამეცნიერო პროექტების განხორციელებასა და გამოცდილების გაზიარებას. დაიგეგმა გარემოს დაცვისა და საბუნებისმეტყველო მეცნიერებათა მიმართულებით სტუდენტებისა და აკადემიური პერსონალის გაცვლითი პროგრამების განხორცილება.

11 დეკემბერს, ბათუმის შოთა რუსთაველის სახელმწიფო უნივერსიტეტის რექტორი ტიტე აროშიძე დელეგაციის წევრებთან ერთად, სამუშაო ვიზიტის ფარგლებში იაპონიის დედაქალაქ ტოკიოში საქართველოს საგანგებო და სრულუფლებიან ელჩს იაპონიაში, თეიმურაზ ლეჟავას შეხვდა.

აჭარის მთავრობის თავმჯდომარე, სულხან თამაზაშვილი რეგიონის მასშტაბით წარჩინებულ სტუდენტებს შეხვდა. მთავრობის თავმჯდომარის ინიციატივით, მაღალი აკადემიური მოსწრების მქონე 150 სტუდენტს სტიპენდია გადაეცა. სტუდენტებთან შეხვედრისას სულხან თამაზაშვილმა საგანმანათლებლო მიმართულებით დაგეგმილ რეფორმებსა და ხარისხიანი განათლების მიღების მნიშვნელობაზე ისაუბრა. მთავრობის თავმჯდომარის განცხადებით, მომდევნო წლიდან გაიზრდება სტიპენდიანტთა რაოდენობა. ასევე, გაორმაგდება ე.წ STEM-ის (ტექნიკური და საბუნებისმეტყველო) და ტარიელ ფუტკარაძის სახელობის სტიპენდიების თანხის ოდენობა.