ბათუმის შოთა რუსთაველის სახელმწიფო უნივერსიტეტის სხვადასხვა ფაკულტეტის სტუდენტებმა მონაწილეობა მიიღეს სასტუმრო „ჰილტონში“ გამართულ დასაქმების ფორუმში. ახალგაზრდები ღონისძიების ფარგლებში არსებულ ვაკანსიებს გაეცნენ, კომპანიების წარმომადგენლებს შეხვდნენ და პოტენციურ დამსაქმებლებს საკუთრი შესაძლებლობები წარუდგინეს. დასაქმების ფორუმში ტრადიციულად, რამდენიმე ათეული კომპანია და ორგანიზაციაა იყო ჩართული.
ბათუმის შოთ რუსთველის სახელმწიფო უნივერსიტეტის რექტორის მოადგილემ თამარ სირაძემ მონაწილეობა მიიღო 14-18 მაისს, ბოლონიის უნივერისტეტში გამართულ პერსონალის ტრენინგების კვირეულში თემაზე: „გავხდეთ გლობალურნი“ (Make It Global). ტრენინგზე წარმოდგენილი იყო ინტერნაციონალიზაციის მონიტორინგის, შეფასების, ხარისხის ამაღლების და მომავალი შესაძლებლობების საკითხები. კვირეულის მოწვეულმა უნივერსიტეტებმა წარმოადგინეს სტრატეგიული განვითარების გეგმები საერთაშორისო განათლების და ინტერნაციონალიზაციის მიმართულებით, დასახეს მომავალი თანამშრომლობის გეგმები.
მიგრაციის საერთაშორისო ორგანიზაციის (IOM) წარმომადგენლებმა ევროკავშირის მიერ დაფინანსებული SBMMG-ის პროექტის ფარგლებში, ბათუმის შოთა რუსთველის სახელმწიფო უნივერსიტეტის სტუდენტებისათვის ტრენინგი ჩაატარეს თემაზე: „ინფორმირებული მიგრაცია, უსაზღვრო შესაძლებლობები“. სწავლება დისკუსიისა და როლური თამაშების ფორმატში წარიმართა და ახალგაზრდები გაეცნენ ისეთ აქტუალურ თემებს, როგორიცაა: უვიზო მიმოსვლა ევროპაში, თავშესაფარი ევროკავშირის წევრს ქვეყნებში, სწავლა საზღვარგარეთ, დროებითი შრომითი მიგრაცია.
ბათუმის შოთა რუსთაველის სახელმწიფო უნივერსიტეტის სტუდენტები მონაწილეობენ სასტუმრო „შერატონში“ გამართულ „სასუქისა და პესტიციდების მწარმოებელთა მსოფლიო კონგერსში“. ღონისძიება ორგანიზაცია „ტექნოპრომ ინტექსის“ ორგანიზებით ტარდება და მასში 35 ქვეყნის 110 კომპანიაა ჩართული. კონგრესის მონაწილეთა შორის ერთი საუკეთესო სტუდენტი ბრიუსელში გაემგზავრება ევროკავშირის მიერ ორგანიზებულ საზაფხულო სკოლაში მონაწილეობის მისაღებად.
ბსუ-ს პროექტის „უნივერსიტეტი - სკოლისთვის“ ეგიდით, ჰუმანიტარულ მეცნიერებათა ფაკულტეტის ასისტენტ პროფესორმა ირმა ბაგრატიონმა სკოლა-ლიცეუმის „მასტერ-კლასის“ მოსწავლეებისთვის უნივერსიტეტში საჯარო ლექცია წაიკითხა თემაზე: „რა არის ეთიკა? რა არის ეტიკეტი?“. მომხსენებელმა განიხილა ეთიკისა და ეტიკეტის, როგორც სპეციფიკური ცოდნის, დარგების არსობრივი თავისებურებანი, მათი ურთიერთმიმართების საკითხები და აქტუალურ შე-კ¬ი¬თხვებს უპასუხა. პროექტის ფარგლებში ახალგაზრდები გაეცნენ ბათუმის შოთა რუსთაველის სახელმწიფო უნივერსიტეტის მატერიალურ-ტექნიკურ ბაზას და კაბინეტ-ლაბორატორიებს. ღონისძიების დასასრულს, სკოლა-ლიცეუმის „მასტერ-კლასის“ მოსწავლეებს სამახსოვრო საჩუქრები გადაეცათ.
