უნივერსიტეტის რექტორი, ტიტე აროშიძე, ბსუ-ს 2025 წლის სტუდენტური პროექტების კონკურსში გამარჯვებული პროექტების ავტორებს შეხვდა. შეხვედრის ფარგლებში რექტორმა მადლობა გადაუხადა სტუდენტებს მათ მიერ ინიცირებული იდეებისთვის და ხაზი გაუსვა უნივერსიტეტის მზადყოფნას, აქტიურად დაუჭიროს მხარი ისეთ პროექტებს, რომლებიც სტუდენტთა განვითარებას და სტუდენტური გარემოს გაუმჯობესებას ემსახურება.
ბსუ-ს რექტორმა, ტიტე აროშიძემ, ბსუ-ს ფოლკლორული გოგონათა ანსამბლ „თირინის" წევრები და ხელმძღვანელი თემურ დოლიძე მადლობის სიგელებით დააჯილდოვა. რექტორმა სტუდენტებს ფესტივალ „ჰარიდაში" გამარჯვება მიულოცა და შემდგომი წარმატებები უსურვა. ბსუ-ს ფოლკლორული ანსამბლი „თირინი” გამორჩეულია თავისი აქტიური შემოქმედებითი საქმიანობითა და სხვადასხვა ფესტივალზე მიღწეული წარმატებებით.
ბსუ-ს აზერბაიჯანის რესპუბლიკის მიგრაციის სახელმწიფო სამსახურის მოქალაქეობის საკითხთა დეპარტამენტის უფროსი, სახელმწიფო მიგრაციის სამსახურის III რანგის მრჩეველი, ბსუ-ს საპატიო დოქტორი, რზა თალიბოვი ეწვია. უნივერსიტეტის რექტორთან, ტიტე აროშიძესთან გამართულ შეხვედრაზე მხარეებმა თანამშრომლობის გაღრმავებასა და ერთობლივ პროექტებზე ისაუბრეს. ყურადღება გაამახვილეს სტუდენტებისა და აკადემიური პერსონალის გაცვლით პროგრამებზე, ასევე კვლევითი მიმართულებების განვითარების პერსპექტივებზე.
ბათუმის შოთა რუსთაველის სახელმწიფო უნივერსიტეტში აკადემიური საბჭოს გადაწყვეტილებით, 34-ე აუდიტორიას ცნობილი ქართველი არქეოლოგის, ისტორიის მეცნიერებათა დოქტორის, ბსუ-ს ემერიტუს-პროფესორის, შოთა მამულაძის სახელი მიენიჭა. აუდიტორია ბსუ-ს რექტორმა, ტიტე აროშიძემ ბატონი შოთა მამულაძის მეუღლესთან ერთად გახსნა.
ვროპის დღე ბსუ-ში ორი მასშტაბური ღონისძიებით აღინიშნა. განახლდა პროექტი „გადაწერე ვეფხისტყაოსანი“. ხელნაწერი „ვეფხისტყაოსნის“ შექმნაში მონაწილეობა მიიღეს ბსუ-ს სტუდენტებმა, პროფესორ-მასწავლებლებმა და უნივერსიტეტის რექტორმა, ტიტე აროშიძემ. ხელნაწერი „ვეფხისტყაოსანი“ ინგლისურ, პოლონურ, თურქულ, ყაზახურ ენებზე თარგნმნილი სტროფებით შეავსეს ბსუ-ში საერთაშორისო მობილობის ფარგლებში მყოფმა სტუდენტებმა და ადმინისტრაციის წარმომადგენლებმა პარტნიორი უნივერსიტეტებიდან. შეკრებილ საზოგადოებას სიტყვით მიმართა და ქართული ლიტერატურის საგანძურის მნიშვნელობაზე, იმ ღირებულებებსა და სიბრძნეზე, რასაც „ვეფხისტყაოსანი“ გვაზიარებს ისაუბრა პროფესორმა რამაზ ხალვაშმა. პროექტში, - „გადაწერე ვეფხისტყაოსანი“, - მონაწილეობა ნებისმიერ მსურველს შეუძლია.
