ბათუმის შოთა რუსთაველის სახელმწიფო უნივერსიტეტმა ბრიტანეთის ელჩის მოადგილეს საქართველოში, შარმან ლივერს უმასპინძლა. ვიზიტის ფარგლებში ელჩის მოადგილე ბსუ-ს რექტორს ტიტე აროშიძეს შეხვდა. შეხვედრაზე განიხილეს ბრიტანულ უნივერსიტეტებთან თანამშრომლობის გაღრმავების საკითხები, გაცვლითი და ერთობლივი პროგრამების შესაძლებლობები და მემორანდუმების გაფორმების პერსპექტივები უმაღლეს საგანმანათლებლო დაწესებულებებთან.
Batumi Shota Rustaveli State University hosted the Deputy British Ambassador to Georgia, Sharman Lever. As part of the visit, the Deputy Ambassador met with BSU Rector Tite Aroshidze. The meeting discussed issues of deepening cooperation with British universities, opportunities for exchange and joint programs, and prospects for signing memorandums of understanding with higher education institutions.
ბათუმის შოთა რუსთაველის სახელმწიფო უნივერსიტეტში პროფესიული პროგრამების მართვისა და უწყვეტი განათლების ცენტრს ახალი ხელმძღვანელი ჰყავს. ბსუ-ს რექტორმა ტიტე აროშიძემ ცენტრის თანამშრომლებს პროფესიული პროგრამების მართვის და უწყვეტი განათლების ცენტრის დირექტორის თანამდებობაზე ეკონომიკისა და ბიზნესის ფაკულტეტის პროფესორი, ეკონომიკის დოქტორი ბადრი გეჩბაია წარუდგინა. რექტორმა ბადრი გეჩბაიას წარმატება უსურვა ახალ თანამდებობაზე და ყურადღება გაამახვილა პროფესიული განათლების როლზე თანამედროვე სასწავლო პროცესში.
სოხუმის დაცემიდან 32 წელი გავიდა. ბათუმის შოთა რუსთაველის სახელმწიფო უნივერსიტეტის რექტორმა ტიტე აროშიძემ და სტუდენტებმა, მთავრობის წევრებთან ერთად, საქართველოს ტერიტორიული მთლიანობისთვის დაღუპული ეროვნული გმირის, ჟიული შარტავას მემორიალი ყვავილებით შეამკეს და პატივი მიაგეს დაღუპული მებრძოლების ხსოვნას.
ბათუმის შოთა რუსთაველის სახელმწიფო უნივერსიტეტში საერთაშორისო გაცვლითი პროგრამების წარდგენა გაიმართა. ბსუ-ს რექტორმა, ტიტე აროშიძემ, სტრატეგიული განვითარებისა და საერთაშორისო ურთიერთობების დეპარტამენტის უფროსმა მარინე გიორგაძემ და მთავარმა სპეციალისტმა ლელა თავართქილაძემ სტუდენტებს 2025-2026 სასწავლო წლისთვის გამოცხადებული „Erasmus+“-ის და აჭარის ა.რ. განათლებისა და სპორტის სამინისტროს მიერ დაფინანსებული პროგრამები გააცნეს.
