ბათუმის შოთა რუსთაველის სახელმწიფო უნივერსიტეტში სასკოლო მზაობის პროგრამის ტრენერთა ტრენინგი იმართება. სწავლება მიზნად ისახავს სასკოლო მზაობის აღმზრდელთა გადამზადებას და სკოლამდელი განათლების სფეროში მიმდინარე რეფორმის გაცნობას. ოთხი დღის განმავლობაში ღონისძიების მონაწილეები შეისწავლიან სასკოლო მზაობის პროგრამას, საგანმანათლებლო სტანდარტებს, ძირითად პრინციპებსა და კომპონენტებს.
საქართველოს სახელმწიფო მოდერნიზაციის ინსტიტუტის (GISM) ორგანიზებით საქართველოს პრეზიდენტი პროექტის "უკან მომავალში" მონაწილე ახალგაზრდებს შეხვდა. ღონისძიებაში სხვადასხვა უნივერსიტეტის სტუდენტებთან ერთად ბათუმის შოთა რუსთაველის სახელმწიფო უნივერსიტეტის სოციალურ და პოლიტიკურ მეცნიერებათა ფაკულტეტის სტუდენტები: ანა ნიქაბაძე, მიხეილ ბენია და ლევან სოლომკო მონაწილეობნდნენ. გიორგი მარგველაშვილმა საქართველოს ევროკავშირში ინტეგრაციის პროცესზე ისაუბრა და ახალგაზრდების შეკითხვებს უპასუხა. შეხვედრისას საუბარი შეეხო პროექტის ინოვაციურობას, მის არსსა და კონცეფციას, ასევე სტრატეგიულ მიზნებსა და მოსალოდნელ შედეგებს.
პიარისა და მარკეტინგტული კომპანია„ჯეპრას“ საზაფხულო სკოლის ფარგლებში ბათუმის შოთა რუსთაველის სახელმწიფო უნივერსიტეტში საჯარო სპიკერმა და „სტუდია ღამის შოუს“ გენრალურმა მენეჯერმა დავით გოგიჩაიშვილმა მასტერკლასი ჩაატარა თემაზე: „ადამიანური რესურების შერჩევა და მენეჯმენტი“. ტრენერმა ბსუ-ს სტუდენტებსა და სხვადასხვა ორგანიზაციის წარმომადგენლებს ადამიანური რესურსების რეკრუტირება, მენეჯმენტის თანამედროვე შეხედულებები და ტენდენციები გააცნო.
ბათუმის შოთა რუსთაველის სახელმწიფო უნივერსიტეტის რექტორის მოვალეობის შემსრულებელმა, ასოცირებულმა პროფესორმა მერაბ ხალვაშმა საქართველოს თავდაცვის სამინისტროში გამართულ შეხვედრაში მიიღო მონაწილეობა. საქართველოს თავდაცვის მინისტრმა თინათინ ხიდაშელმა, მინისტრის მოადგილეებმა: დავით ებრალიძემ, ანა დოლიძემ და ბესიკ ლოლაძემ შეხვედრაზე უნივერსიტეტების რექტორებთან უმაღლეს საგანმანათლებლო დაწესებულებებთან სამომავლო თანამშრომლობის მიმართულებებზე ისაუბრეს. დაიგეგმა თავდაცვის აკადემიასთან ერთად ახალი სამაგისტრო პროგრამის მომზადება. ჯარისკაცები უნივერსიტეტში სხვადასხვა სახის კურსებს გაივლიან, ხოლო სამხედრო ნაწილებში საჯარო ლექციები და სემინარები ჩაუტარდებათ.
ცნობილ მეცნიერს, აღმოსავლეთმცოდნეს, ბსუ-ს კურსდამთავრებულს, მოსკოვის ლომონოსოვის სახელობის სახელმწიფო უნივერსიტეტის პროფესორ ფერიდე აცამბას ბათუმის შოთა რუსთაველის სახელმწიფო უნივერსიტეტის აკადემიურმა საბჭომ საპატიო დოქტორის წოდება მიანიჭა და რექტორის მოვალეობის შემსრულებელმა, ასოცირებულმა პროფესორმა მერაბ ხალვაშმა შოთა რუსთაველის სახელობის მედალი გადასცა. პროფესორმა ფერიდე აცამბამ მნიშვნელოვანი წვლილი შეიტანა ბსუ-ს განვითარებაში, მას უმაღლეს საგანმანათლებლო დაწესებულებასთან ხანგრძლივი სამეცნიერო და პედაგოგიური ურთიერთობა აკავშირებს, უწევს მეცნიერულ, მეთოდურ და პროფესიულ დახმარებას. ღვაწლმოსილ პროფესორს გამოქვეყნებული აქვს 2 მონოგრაფია და 60-ზე მეტი სამეცნიერო სტატია არაბეთის ქვეყნების სოციალური სტრუქტურის პრობლემებისა და ისლამის რელიგიური ინსტიტუტების ფუნქციონირების საკითხებზე.
