ახალი ამბები

საქართველოს მათემატიკოსთა კავშირის VI საერთაშორისო კონფერენცია გაიხსნა ბათუმის შოთა რუსთაველის სახელმწიფო უნივერსიტეტში. ხუთი დღის განმავლობაში 100-მდე ქართველი და უცხოელი პროფესორ-მასწავლებელი მოხსენებებს წარმოადგენს თანამედროვე მათემატიკის აქტუალურ საკითხებსა და ბოლო პერიოდში წარმოებული სამეცნიერო კვლევის შედეგებზე. სესია თერთმეტ სექციად იმუშავებს და შემდეგ მიმართულებებს მოიცავს: ალგებრა, ტოპოლოგია, გეომეტრია და რიცხვთა თეორია, გამოყენებითი ლოგიკა და პროგრამირება, დიფერენციალური განტოლებები და მათი გამოყენებები, ბუნებრივი ენების ლოგიკა და გამოთვლითი ლინგვისტიკა, მათემატიკური განათლება და ისტორია, მათემატიკური მოდელირება

ბათუმის შოთა რუსთაველის სახელმწიფო უნივერსიტეტის ფიტოპათოლოგიისა და ბიომრავალფეროვნების ინსტიტუტის და აჭარის ა.რ. სოფლის მეურნეობის სამინიტროს ორგანიზებით ქობულეთის მუნიციპალიტეტის აგროსერვისცენტრის ადმინისტრაციული შენობის ტერიტორიაზე მცენარეთა ჯანმრთელობის კლინიკა მოეწყო. მკვლევრებმა ფერმერებს საველე პირობებში უფასო კონსულტაციები გაუწიეს, მათ მიერ წარმოდგენილ დაავადებულ მცენარეებს დიაგნოზი დაუსვეს და საინფორმაციო ბუკლეტები დაურიგეს. ინსტიტუტი ფერმერებს ასევე სთავაზობს დაავადებული მცენარეების ფუდამენტალურ კვლევებს ლაბორატორიულ პირობებში. მცენარეთა ჯანმრთელობის კლინიკა 13 ივლისს ხელვაჩაურში გაიმართება, 15 ივლისს - ქედაში, ხოლო 17 ივლისს - ხულოში.

ბათუმის შოთა რუსთაველის სახელმწიფო უნივერსიტეტისა და ივანე ჯავახიშვილის სახელობის თბილისის სახელმწიფო უნივერსიტეტის ორგანიზებით ტარდება „კავკასიის მე-4 საერთაშორისო სიმპოზიუმი პოლიმერებსა და თანამედროვე მასალებში“. ბათუმის შოთა რუსთაველის სახელმწიფო უნივერსიტეტის 80 წლის იუბილესადმი მიძღვნილ ფორუმში 10 ქვეყნის 80-მდე მკვლევარი მონაწილეობს. სიმპოზიუმის მიზანია პოლიმერებსა და ინოვაციური მასალების სფეროში მომუშავე მეცნიერებს დაეხმაროს წარმოადგინონ საკუთარი კვლევები, დარგში არსებული პრობლემები და აღმოჩენები. სიმპოზიუმი ასევე ხელს შეუწყობს მსოფლიო სამეცნიერო საზოგადოებისთვის ნაკლებად ცნობილი ქართული და კავკასიური სამეცნიერო ჯგუფების ახალი სამეცნიერო კვლევების წარმატებით გაცნობას.

ტემპუსის პროექტის „დისტანციურ ინჟინერიასა და ვირტუალურ ინსტრუმენტებზე დაფუძნებული ინდუსტრიული თანამშრომლობა და შემოქმედებითი საინჟინრო განათლება“ ფარგლებში ბათუმის შოთა რუსთაველის სახელმწიფო უნივერსიტეტში ორდღიანი შეხვედრა გაიხსნა. პროგრამის პარტნიორი უმაღლესი საგანმანათლებლო დაწესებულებების პროფესორ-მასწავლებლები პროექტის შედეგებს შეაჯამებენ და ერთმანეთს გამოცდილებას გაუზიარებენ. პროექტის მიზანია შექმნას და დანერგოს მეთოდოლოგია, რესურსები საინჟინრო სფეროს გასავითარებლად საქართველოში, უკრაინასა და სომხეთში. შემუშავდება საგანმანათლებლო პროგრამა საინჟინრო მიმართულებით ალტერნატიული ტექნოლოგიების გამოყენებით და განისაზღვრება სასწავლო მეთოდოლოგია შრომის ბაზრის მოთხოვნების შესაბამისად. პროგრამის ეგიდით გაიხსნა სპეციალური მოწყობილობებით აღჭურვილი ლაბორატორია, სადაც წარმატებით გაიარეს თეორიული და პრაქტიკული კურსები ფიზიკის, კომპიუტერული მეცნიერებებისა და საინჟინრო სპეციალობების საგანმანათლებლო პროგრამის სტუდენტებმა.

ბათუმის შოთა რუსთაველის სახელმწიფო უნივერსიტეტში ინგლისური ენის საზაფხულო სკოლის პირველი ეტაპი დასრულდა. ღონისძიებაში მონაწილე ბათუმის კერძო და საჯარო სკოლების IX, X, XI კლასების 130 მოსწავლეს, ქართველ პროფესორ-მასწავლებლებსა და მშვიდობის კორპუსის ამერიკელ წარმომადგენლებს სერტიფიკატები გადაეცათ. სწავლება მიზნად ისახავდა ინგლისურ ენაზე თავისუფლად საუბრის უნარ-ჩვევების გამომუშავებასა და ამერიკის კულტურის შესახებ ცოდნის შეძენას. საზაფხულო სკოლა ბათუმის შოთა რუსთაველის სახელმწიფო უნივერსიტეტის ჰუმანიტარულ მეცნიერებათა ფაკულტეტის ევროპეისტიკის დეპარტამენტის პროფესორ-მასწავლებლებისა და ბსუ-ში მოწვეული მშვიდობის კორპუსის ინგლისური ენის მასწავლებლის მარია ინისის ორგანიზებით ჩატარდა.