ახალი ამბები

ბსუ-ში კლიმატის ცვლილების კანონის „თეთრი წიგნის“ პრეზენტაცია და საჯარო განხილვა გაიმართა. ღონისძიება გახსნეს და მონაწილეებს სიტყვით მიმართეს საქართველოს პარლამენტის გარემოს დაცვისა და ბუნებრივი რესურსების კომიტეტის თავმჯდომარემ მაია ბითაძემ, გარემოს დაცვისა და სოფლის მეურნეობის მინისტრის პირველმა მოადგილემ ნინო თანდილაშვილმა, აჭარის ა.რ. სოფლის მეურნეობის მინისტრმა ზაზა შავაძემ, ბსუ-ს რექტორის მოადგილემ ანზორ ბერიძემ და ვესტმინსტერის დემოკრატიის ფონდის წარმომადგენლობის ხელმძღვანელმა ლაშა ნაკაშიძემ. შემაჯამებელ შეხვედრას ბსუ-ს სტუდენტები, დარგის მიმართულების პროფესორ-მასწავლებლები და საზოგადოების წარმომადგენლები ესწრებოდნენ.

აჭარის ხელოვნების მუზეუმში წარჩინებულ სტუდენტთა დაჯილდოება გაიმართა. შეხვედრაზე აჭარის ა.რ. განათლების, კულტურისა და სპორტის სამინისტროს „სტუდენტთა დახმარების“ პროგრამის მონაწილე ბათუმის შოთა რუსთაველის სახელმწიფო უნივერსიტეტის 24 წარჩინებული სტუდენტი დაჯილდოვდა. სტუდენტთა დახმარების პროგრამის ფარგლებში დაფინანსებას იღებენ სტუდენტები, რომლებიც სწავლობენ საქართველოს უმაღლეს საგანმანათლებლო დაწესებულებებში ბაკალავრიატის, მაგისტრატურის, მასწავლებლის მომზადების ინტეგრირებულ საბაკალავრო-სამაგისტრო, ვეტერინარიის სამაგისტრო, დიპლომირებული მედიკოსის/სტომატოლოგიის აკრედიტებულ საგანმანათლებლო პროგრამებზე და სასწავლო წლის სემესტრის განმავლობაში აქვთ 91 და მეტი ქულა.

ბათუმის შოთა რუსთაველის სახელმწიფო უნივერსიტეტის აკადმიურმა და სამეცნიერო პირებმა მონაწილეობა მიიღეს ეროვნული სამეცნიერო ბიბლიოთეკის ორგანიზებულ ღონისძიებაში - „წლის საუკეთესო მიღწევა“. პროფესორმა ემზარ მაკარაძემ, პროფესორმა ირაკლი გორგილაძემ, ასოცირებულმა პროფესორმა თეა ქოიავამ, ფიტოპათოლოგიისა და ბიომრავალფეროვნების ინსტიტუტის უვადო მეცნიერ თანამშრომელმა იზოლდა მაჭუტაძემ და მკვლევარმა ცისნამი ბერიძემ პრეზენტაციები წარადგინეს 2023 წლის განმავლობაში განხორციელებული მნიშვნელოვანი მიღწევის შესახებ.

ბათუმის შოთა რუსთველის სახელმწიფო უნივერსიტეტის სტუდენტები ნაფიც მსაჯულთა იმიტირებული სასამართლოს ეროვნულ ჩემპიონატში მონაწილეობენ. ახალგარზდებმა ნაფიც მსაჯულთა სასამართლოს შიდასაუნივერსიტეტო იმიტირებულ პროცესზე სისხლის სამართლის კონკრეტული საქმე განიხილეს, ნაფიცმა მსაჯულებმა კი სათათბირო ოთახში საბოლოო ვერდიქტზე იმსჯელეს. პროექტში მონაწილე თითოეულმა უნივერსიტეტმა ორი გუნდი (დაცვა-ბრალდება) და ნაფიც მსაჯულთა შემადგენლობა სხვადასხვა ფაკულტეტის 12 სტუდენტით წარმოადგინა. გუნდები წინასწარ შემუშავებული შეფასების კრიტერიუმების დაცვით ფასილიტატორებმა, ადვოკატთა ასოციაციის ადვოკატებმა და პროკურორებმა შეაფასეს.

ბათუმის შოთა რუსთაველის სახელმწიფო უნივერსიტეტის აკადემიური და მოწვეული პერსონალსათვის განათლების ექსპერტმა, პროფესორმა მარიამ დარბაიძემ ტრენინგ-მოდულების ციკლი ჩაატარა ავტორიზაციის, სწავლა-სწავლებისა და სხვა აქტუალურ საკითხებზე. ტრენინგ-მოდულების ციკლი მიზნად ისახავდა პროფესორ-მასწავლებლების პროფესიული განვითარების ხელშეწყობას. მსმენელები გაეცნენ ისეთ მნიშვნელოვან საკითხებს, როგორებიცაა: „როგორ მოვამზადოთ საგანმანათლებლო პროგრამები აკრედიტაციისთვის მოქმედი სტანდარტების შესაბამისად“, „როგორ დავწეროთ სასწავლო დაწესებულების მისია, ხედვა, სტრატეგიული განვითარება და სამოქმედო გეგმა“, „კვლევის სწორად დაგეგმვა, განხორციელება და შეფასების ვალიდური მექანიზმები უმაღლეს საგანმანათლებლო დაწესებულებებში“ და „როგორ დავგეგმოთ შრომის ბაზრის კვლევა საგანმანათლებლო პროგრამებისთვის“.