კონფერენციები

2-8 სექტემბერს, ბსუ-ში ტარდება საქართველოს ტექნიკური უნივერსიტეტის, ბათუმის შოთა რუსთაველის სახელმწიფო უნივერსიტეტის და განათლებისა და მეცნიერების პროგრესის ყოველწლიური საერთაშორისო სამეცნიერო-ტექნიკური კონფერენცია „საინჟინრო მეცნიერებათა პრობლემები“, რომელიც ეძღვნება სამეცნიერო-ტექნიკური ჟურნალის „მშენებლობა“ თხუთმეტი წლის იუბილეს. კონფერენციის ჩატარების მიზანია საინჟინრო მეცნიერებათა პრობლემების აღმოფხვრის საკითხების განხილვა. სესიაზე წარმოდგენილი იქნება მსოფლიოში ცნობილი მეცნიერების მოხსენებები საინჟინრო მეცნიერებათა პრობლემებზე, მათი ურთიერთგაცნობის და ერთობლივად პრობლემების გადაჭრის გზებზე.

ენისა და კულტურის ციფრული დოკუმენტირება და არქივირება კულტურული მემკვიდრეობის კვლევის აუცილებელ წინაპირობას წარმოადგენს XXI საუკუნეში. დღეისათვის დადგენილია, რომ 7 000-მდე არსებული ენიდან 2150 წლისათვის თითქმის ნახევარს გაქრობა უწერია – საფრთხეში მყოფი ენების საკვლევი ინსტიტუტის Living Tongues Institute for Endangered Languages მონაცემების მიხედვით, ენები უფრო სწრაფად ქრება, ვიდრე ცხოველთა ან მცენარეთა სახეობები: ყოველ ორ კვირაში არსებობას წყვეტს ერთი ენა.

22-24 აგვისტოს, ბათუმის შოთა რუსთაველის სახელმწიფო უნივერსიტეტი მერვედ უმასპინძლებს ბათუმის საზაფხულო უნივერსიტეტს საერთაშორისო უსაფრთხოების და გლობალური ბირთვული გაუვრცელებლობის საკითხებზე. ბათუმის საზაფხულო უნივერსიტეტის პარტნიორია თავდაცვისა და უსაფრთხოების საკითხებში სამოქალაქო საბჭო და შვედეთის რადიაციური უსაფრთხოების სააგენტო. წელს ბათუმის საზაფხულო უნივერსიტეტის ძირითადი თემაა „ბირთვული უსაფრთხოება და გაუვრცელებლობა მშფოთვარე დროში“ მომავლის ხედვა.

7-14 აგვისტოს, ბათუმის შოთა რუსთაველის სახელმწიფო უნივერსიტეტში ბათუმის საერთაშორისო საზაფხულო სკოლა დიგიტალურ ქართველოლოგიაში (მეთოდები, ტექნოლოგიები, რესურსები) ჩატარდება. საზაფხულო სკოლა ქართველოლოგიური მეცნიერებების გამოწვევებს ციფრულ ეპოქაში – მეთოდებს, ტექნოლოგიებს და რესურსებს ეძღვნება. საზაფხულო სკოლის მონაწილეები გაეცნობიან დიგიტალური ქართველოლოგიის ჩამოყალიბების ისტორიას, არსსა და საფუძვლებს; მიიღებენ ცოდნას დიგიტალური ქართველოლოგიის ძირითად მიმართულებებში, გაეცნობიან ქართული ენის ანალიზისა და სინთეზის პროგრამებს, კომპიუტერული ლექსიკოგრაფიის პრინციპებსა და მეთოდებს, ქართული ენისათვის მანქანური სწავლების გამოყენების პროგრამულ უზრუნველყოფებს.

საზაფხულო სკოლა ბათუმში „კონსტიტუციური მართლმსაჯულება“

7-13 აგვისტო, 2023

ბათუმის შოთა რუსთაველის სახელმწიფო უნივერსიტეტის იურიდიული და სოციალურ მეცნიერებათა ფაკულტეტისა და სამცხე-ჯავახეთის სახელმწიფო უნივერსიტეტის იურიდიული ფაკულტეტის ორგანიზებით ქალაქ ბათუმში გაიმართება საზაფხულო სკოლა კონსტიტუციური მართლმსაჯულების აქტუალურ საკითხებთან დაკავშირებით. მონაწილეობის მიღების უფლება აქვს ნებისმიერი ავტორიზებული უნივერსიტეტის სამართლის საბაკალავრო და სამაგისტრო საგანმანათლებლო პროგრამის სტუდენტს.

ბათუმის შოთა რუსთაველის სახელმწიფო უნივერსიტეტის იურიდიული და სოციალურ მეცნიერებათა ფაკულტეტისა და სამცხე-ჯავახეთის სახელმწიფო უნივერსიტეტის იურიდიული ფაკულტეტის ორგანიზებით ქალაქ ბათუმში გაიმართება საზაფხულო სკოლა კონსტიტუციური მართლმსაჯულების აქტუალურ საკითხებთან დაკავშირებით. მონაწილეობის მიღების უფლება აქვს ნებისმიერი ავტორიზებული უნივერსიტეტის სამართლის საბაკალავრო და სამაგისტრო საგანმანათლებლო პროგრამის სტუდენტს.