კონფერენციები

2025 წლის 17 მაისს, ბათუმის შოთა რუსთაველის სახელმწიფო უნივერსიტეტის ზუსტ მეცნიერებათა და განათლების ფაკულტეტის ორგანიზებით, სკოლისა და უნივერსიტეტის თანამშრომლობის კლუბის „სკოლა-უნივერსიტეტი“ფარგლებში, გაიმართება მე-11 სამეცნიერო კონფერენცია თემაზე: „სასკოლო განათლება - თანამედროვე გამოწვევები და პერსპექტივები“. კონფერენციის მიზანია უნივერსიტეტისა და სკოლის თანამშრომლობის ხელშეწყობა, მოსწავლეებსა და სტუდენტებში შემოქმედებითი, თანამშრომლობითი და კომუნიკაციური უნარ-ჩვევების განვითარება, კრიტიკული აზროვნების ჩამოყალიბება და ნიჭიერი ახალგაზრდების გამოვლენა.

29-31 მაისს ბათუმის შოთა რუსთაველის სახელმწიფო უნივერსიტეტის სტუდენტთა საუნივერსიტეტო სამეცნიერო კონფერენცია - 2025 გაიმართება. ბსუ-ს სტუდენტმა კონფერენციაში მონაწილეობისთვის 2025 წლის 19 თებერვლიდან 14 მარტის ჩათვლით portal.bsu.edu.ge-ზე (https://portal.bsu.edu.ge/Page/2473/index.html) უნდა დაარეგისტრიროს სამეცნიერო ნაშრომის სათაური და სამეცნიერო ხელმძღვანელის სახელი-გვარი (აკადემიური თანამდებობის მითითებით).

თსუ-ს არნოლდ ჩიქობავას სახელობის ენათმეცნიერების ინსტიტუტის, ივანე ჯავახიშვილის სახელობის თბილისის სახელმწიფო უნივერსიტეტისა და გიორგი ახვლედიანის სახელობის ენათმეცნიერების ისტორიის საზოგადოება ორგანიზებას უწევს საერთაშორისო კონფერენციას "სალიტერატურო ენის საკითხები: ძირითადი ტენდენციები და პრობლემები"

ჩატარდება სამეცნიერო კონფერენცია თემაზე: „ქართულ-პოლონური ურთიერთობები XIX-XX სს. (ისტორიული და სოციო-კულტურული ასპექტები)“. კონფერენცია ჩატარდება შოთა რუსთაველის საქართველოს ეროვნული სამეცნიერო ფონდის მიერ დაფინანსებული სამეცნიერო საგრანტო პროექტის − პოლონელების დეპორ¬ტაცია საქართველოში და პოლონურ-ქართული გეოპოლიტიკური თანამშრომლობა (1830-1921)“, (FR-22-9832) − ფარგლებში, ფონდის ფინანსური მხარდაჭერით.

ბათუმის შოთა რუსთაველის სახელმწიფო უნივერსიტეტის ჰუმანიტარულ მეცნიერებათა ფაკულტეტის ბაზაზე შექმნილი შავი ზღვის რეგიონში მეცნიერებისა და აკადემიური კულტურის გავრცელების კვლევითი ცენტრი ნეოფიტ რილსკის სახელობის სამხრეთ-დასავლეთ უნივერსიტეტის (ბულგარეთი) პარტნიორობით და ევროკავშირის საგრანტო პროექტის KEAC-BSR ფინანსური მხარდაჭერით (MSCA HORIZON2020), ატარებს საერთაშორისო სამეცნიერო კონფერენციას
„ინტერდისციპლინარული კვლევების ახალი ჰორიზონტები-II“