2025-2026 სასწავლო წლისათვის გამოცხადდა მიღება ბსუ-ს სადოქტორო საგანმანათლებლო პროგრამებზე ბსუ-ს აკადემიური საბჭოს 2025 წლის 22 ივლისის N 06- 01/71 დადგენილებით განსაზღვრულ ვაკანტურ ადგილებზე (წინამდებარე ბრძანების N1 დანართი, სავარაუდო სამეცნიერო ხელმძღვანელების საკონტაქტო მონაცემების მითითებით).
დოქტორანტობის კანდიდატთა რეგისტრაცია განხორციელდება 2025 წლის 3-9 სექტემბერს, ყოველდღე (გარდა შაბათ-კვირისა) 10:00 საათიდან 17:00 საათამდე (რეგისტრაციის ადგილი: ბსუ-ს N1 კორპუსი, პირველი სართული, ოთახი N20, ქ. ბათუმი, ნინოშვილის/რუსთაველის N35/32).
დოქტორანტობის კანდიდატებმა რეგისტრაციისათვის უნდა წარმოადგინონ შემდეგი დოკუმენტაცია:
ა) დოქტორანტობის კანდიდატის განცხადება (სააპლიკაციო ფორმა შევსებული წინამდებარე ბრძანების N2 დანართის შესაბამისად);
ბ) პირადობის მოწმობის (პასპორტის) ასლი;
გ) 2 ფოტოსურათი ზომით 3X4–ზე;
დ) მაგისტრის (ან მასთან გათანაბრებული) აკადემიური ხარისხის დამადასტურებელი დიპლომის ნოტარიულად დამოწმებული ასლი (2025 წელს კურსდამთავრებულთათვის - ცნობა აკადემიური ხარისხის მინიჭების თაობაზე, ბსუ-ს კურსდამთავრებულთათვის - ბსუ-ს მიერ დამოწმებული დიპლომის ასლი; უცხო ქვეყანაში მიღებული განათლების აღიარების დამადასტურებელი დოკუმენტის ნოტარიულად დამოწმებული ასლი (ასეთის არსებობის შემთხვევაში);
ე) ერთსაფეხურიანი, ხუთწლიანი უმაღლესი განათლების დამადასტურებელი დოკუმენტის მაგისტრის აკადემიურ ხარისხთან გათანაბრების დამადასტურებელი დოკუმენტი (სსიპ- განათლების ხარისხის განვითარების ეროვნული ცენტრის მიერ გაცემული; შენიშვნა: დასაშვებია დოქტორანტობის კანდიდატის დოკუმენტაციის მიღება იმ შემთხვევაში, თუკი კანდიდატს ცნობის მიღების მიზნით მიმართული აქვს სსიპ - განათლების ხარისხის განვითარების ეროვნული ცენტრისათვის ან ბსუ-ს კურსდამთავრებულია (ასეთ შემთხვევებში ბსუ-ს დოქტორანტობის კანდიდატი ვალდებულია წარმოადგინოს სსიპ - განათლების ხარისხის განვითარების ეროვნული ცენტრის მიერ გაცემული ცნობა ბსუ-ს სადოქტორო პროგრამაზე ჩარიცხვის აქტის გამოცემამდე);
ვ) წვევამდელის სამხედრო-სააღრიცხვო მოწმობის ასლი (ან სამხედრო ბილეთი, ასეთის არსებობის შემთხვევაში);
ზ) განაცხადი სამეცნიერო ხელმძღვანელობისა და სადოქტორო კვლევითი პროექტის შესახებ (,,ბსუ-ს დოქტორანტურის დებულების“ N1 ფორმის შესაბამისად შევსებული და დოქტორანტის სავარაუდო სამეცნიერო ხელმძღვანელის (არსებობის შემთხვევაში - სამეცნიერო თანახელმძღვანელის) მიერ ხელმოწერილი ვერსია), შევსებული წინამდებარე ბრძანების N3 დანართის შესაბამისად;
თ) კვლევითი პროექტის განხორციელების ინდივიდუალური ხედვა და ხელმძღვანელის თანხმობა (დოქტორანტის მიერ შედგენილი ,,ბსუ-ს დოქტორანტურის დებულების“ N2 ფორმის შესაბამისად და დოქტორანტის სავარაუდო სამეცნიერო ხელმძღვანელის (არსებობის შემთხვევაში - სამეცნიერო თანახელმძღვანელის) მიერ ხელმოწერილი ვერსია), შევსებული წინამდებარე ბრძანების N4 დანართის შესაბამისად;
ი) საკვლევი მიმართულების შესაბამისი ნაშრომი/პუბლიკაცია ან/და სამეცნიერო-კვლევით პროექტებსა და ღონისძიებებში მონაწილეობის ან/და შესაბამის სფეროში მუშაობის არანაკლებ ორწლიანი პროფესიული გამოცდილება - ეს ინფორმაცია შეტანილი უნდა იქნეს დოქტორანტის მიერ წარმოსადგენ, ,,ბსუ-ს დოქტორანტურის დებულების“ N2 ფორმის შესაბამისად შევსებულ, წინამდებარე ბრძანების N4 დანართში და შესაბამისი მტკიცებულებები (გამოქვეყნებული პუბლიკაციის ან/და სამეცნიერო ღონისძიებაში მონაწილეობის ან/და პროფესიული საქმიანობის დამადასტურებელი ცნობა/ცნობები);
კ) სხვა დოკუმენტი, თუ ასეთს ითვალისწინებს შესაბამისი სადოქტორო პროგრამა.
დოქტორანტურაში მისაღები გამოცდები/გასაუბრება ჩატარდება (შენიშვნა: დოქტორანტურაში მისაღებ გამოცდებზე დოქტორანტობის კანდიდატმა უნდა იქონიოს და წარადგინოს პირადობის დამადასტურებელი მოწმობა ან პასპორტი):
მისაღები გამოცდა უცხო ენაში (ტესტირება - მაქსიმალური შეფასება 100 ქულა, კომპეტენციის მინიმალური ზღვარი - 71 ქულა. ) – 2025 წლის 11 სექტემბერი (დაწყების დრო: 10:00 საათი; ჩატარების ადგილი: ბსუ-ს N2 კორპუსი, აუდიტორია N118, ქ. ბათუმი, ნინოშვილის/რუსთაველის N35/32; შენიშვნა: ბსუ-ს სადოქტორო პროგრამაზე ჩაბარების მსურველს მოეთხოვება ინგლისური ენის ცოდნა არანაკლებ B2 დონეზე ან სხვა, დასავლეთევროპული (ფრანგული, გერმანული) ერთ-ერთი უცხოური ენის ცოდნა არანაკლებ B2 დონეზე და ინგლისური ენის ცოდნა არანაკლებ B1 დონეზე);
დოქტორანტობის იმ კანდიდატმა, რომლისთვისაც ქართული არ არის მშობლიური ენა - მოეთხოვება ქართული ენის არანაკლებ B2 დონეზე ფლობის დამადასტურებელი სერტიფიკატის წარმოდგენა (რომლის შესაბამისობას ადგენს/აფასებს უცხო ენის საგამოცდო კომისია) ან კანდიდატმა უნდა ჩააბაროს ენის ცოდნის დონის განმსაზღვრელი ბსუ-ს მიერ ორგანიზებული გამოცდა);
უცხო ენის გამოცდის შედეგები გამოცხადდება - 2025 წლის 11 სექტემბერს;
უცხო ენის გამოცდის შედეგზე საპრეტენზიო განცხადების მიღება - 2025 წლის 12 სექტემბერი, 10:00 სთ-დან 16:00 სთ-მდე, ბსუ-ს საქმისწარმოების სამსახურის (კანცელარია) მეშვეობით (ბსუ-ს N1 კორპუსი, პირველი სართული, ოთახი N1, ქ. ბათუმი, ნინოშვილის/ რუსთაველის ქ. N35/N32);
უცხო ენის გამოცდის შედეგზე საპრეტენზიო განცხადებაზე პასუხი მომზადდება - 2025 წლის 12 სექტემბერს (ეცნობება დოქტორანტობის კანდიდატს, მის მიერ სარეგისტრაციო განცხადებაში მითითებულ ელექტრონულ მისამართზე);
უცხო ენის გამოცდის საბოლოო შედეგების შესახებ საერთო ინფორმაცია უცხო ენის საგამოცდო კომისიის მიერ ბსუ-ს რექტორს წარედგინება - 2025 წლის 12 სექტემბერს.
მისაღები გამოცდა სპეციალობაში (ზეპირი) - 2025 წლის 15 სექტემბერი (გამოცდის დაწყების დრო: 10:00 საათი; გამოცდის ჩატარების ადგილის შესახებ ინფორმაცია ეცნობება კანდიდატებს შესაბამისი ფაკულტეტის მიერ და განთავსდება ბსუ-ს ვებგვერდზე; შენიშვნა: სპეციალობაში გასაუბრებამდე/გამოცდამდე არანაკლებ ორი სამუშაო დღით ადრე სპეციალობის დარგობრივი კომისიის წევრებს ეგზავნებათ დოქტორანტობის კანდიდატების კვლევითი პროექტების განხორციელების ინდივიდუალური ხედვები და მათი სამეცნიერო ხელმძღვანელების თანხმობების აქტები. გასაუბრება/გამოცდა კომისიის მიერ ფასდება 100-ქულიანი სისტემით (,,ბსუ-ს დოქტორანტურის დებულებაზე“ თანდართული შეფასების N3 ფორმის შესაბამისად).
სპეციალობაში გამოცდის შედეგები გამოცხადდება - 2025 წლის 15 სექტემბერს (ეცნობება კანდიდატებს შესაბამისი ფაკულტეტის მიერ და განთავსდება ბსუ-ს ვებგვერდზე);
სპეციალობაში გამოცდის შედეგზე საპრეტენზიო განცხადები მიიღება - 2025 წლის 16 სექტემბერს, 10:00 სთ-დან 16:00 სთ-მდე, ბსუ-ს საქმისწარმოების სამსახურის (კანცელარია) მეშვეობით;
სპეციალობაში გამოცდის შედეგზე საპრეტენზიო განცხადებაზე პასუხი მომზადდება - 2025 წლის 16 სექტემბერს (ეცნობება დოქტორანტობის კანდიდატს, მის მიერ სარეგისტრაციო განცხადებაში მითითებულ ელექტრონულ მისამართზე).
დანართი 1 დანართი 2 დანართი 3 დანართი 4
რექტორის ბრძანება №01-02-163| უკან |
