16 ოქტომბერს გაიმართა სამუშაო შეხვედრა ბათუმის შოთა რუსთაველის სახელმწიფო უნივერსიტეტის თანამშრომლებსა და მე-2 საჯარო სკოლის მოსწავლეებთან. შეხვედრა შედგა 2025 წელს შოთა რუსთაველის ეროვნული სამეცნიერო ფონდის „მეცნიერება იწყება სკოლიდან - კვლევები მოსწავლეთა მონაწილეობით“  კონკურსის შედეგად გამარჯვებული პროექტის „სხეულის მასის ინდექსი და საკვები პროექტები“ ფარგლებში.

პროექტში მონაწილე სკოლა: საჯარო სამართლის იურიდიული პირი ზოგადსაგანმანათლებლო დაწესებულება - სსიპ ბათუმის მეორე საჯარო სკოლა.

პროექტის  ლიდერთა ჯგუფი:

პროექტის ხელმძღვანელი: მარინა ნაგერვაძე - ბათუმის შოთა რუსთაველის სახელმწიფო უნივერსიტეტის, საბუნებისმეტყველო მეცნიერებათა და ჯანდაცვის ფაკულტეტის პროფესორი.

პროექტის თანახელმძღვანელი: ლიანა ქოიავა - ბათუმის მეორე საჯარო სკოლის ბიოლოგიის მასწავლებელი. ბათუმის შოთა რუსთაველის სახელმწიფო უნივერსიტეტის, საბუნებისმეტყველო მეცნიერებათა და ჯანდაცვის ფაკულტეტის მოწვეული მასწავლებელი.

პროექტის ასისტენტი: შორენა გაბაიძე - ბათუმის შოთა რუსთაველის სახელმწიფო უნივერსიტეტის, საბუნებისმეტყველო მეცნიერებათა და ჯანდაცვის ფაკულტეტის დოქტორანტი.

კვლევაში ჩართულია სკოლის მე-9 და მე-11 კლასის  20 მოსწავლეები.

პროექტის ფარგლებში დაგეგმილია საგაკვეთილო მოდულის შექმნა, რომელიც მოიაზრებს როგორც თეორიულ საფუძვლებზე დაფუძნებულ საკითხებს, ასევე ის გამდიდრებული იქნება სხვადასხვა პრაქტიკული აქტივობებითა და კვლევითი კომპონენტებით.