გრანტის SPG-23-527 „ქიმია ჩვენს ირგვლივ“ მონაწილეების (ელზა მარქარაშვილი, იზაბელა ესართია, დონარი ოტიაშვილი) და ინსტიტუტის მეცნიერების ორგანიზებით (ნარგიზ მეგრელიძე, ნინო მხეიძე, ნინო კიკნაძე, რუსლან დავითაძე და რაულ გოცირიძე) გაიმართა ერთობლივი ღონისძიება, რომელშიც მონაწილეობდნენ ბათუმის 8-ე, 10-ე, 15-ე, 22-ე საჯარო სკოლების, მახინჯაურის საჯარო, ანდრია პირველწოდებულის სახელობის საჯარო სკოლის მოსწავლეები და კერძო სკოლების : „ევრო -2000’’-ის და „განათლების“ მოსწავლეები. ჩატარდა ლექცია და სახალისო ექსპერიმენტები ქიმიაში: „ლიმონის ტარტალეტკები“, „სპილოს ეშვები“, „ფარაონი“, რომელშიც აქტიურად იყვნენ ჩართულნი მოსწავლეები. გაიმართა კონკურსი ქიმიური კროსვორდის შევსებაში. გამარჯვებულებს გადაეცათ სამახსოვრო საჩუქრები.

ბათუმის შოთა რუსთაველის სახელმწიფო უნივერსიტეტის პროექტი „მესამე მისია“ ხელს უწყობს სკოლის და უნივერსიტეტის პოტენციალის ინტეგრირებას. ამ პროექტის ფარგლებში ბათუმის N7 საჯარო სკოლის VII კლასის მოსწავლეებს უმასპინძლა აგრარული და მემბრანული ტექნოლოგიების ინსტიტუტის ქიმიური ანალიზის და სურსათის უსაფრთხოების განყოფილებამ. მეცნიერ-თანამშრომლები დარეჯან ჩიქოვანიდა სოფიკო მანჯგალაძე მოსწავლეებს ესაუბრნენ სამოქალაქო განათლების მნიშვნელოვან როლზე სურსათის უსაფრთხოების კუთხით, თუ რას ნიშნავს სუფთა და უსაფრთხო პროდუქტი, ასევე ყურადღება გაამახვილეს სასურსათო პროდუქტების და კვების მნიშვნელობაზე.

ბსუ-ს აგრარული და მემბრანული ტექნოლოგიების ინსტიტუტს პროექტის „ჯანსაღ გარემოს არ აქვს ალტერნატივა’’ ფარგლებში, მახინჯაურის საჯარო სკოლის მოსწავლეები, სკოლის დირექტორი რუსუდან დავითაძე და ქიმიის პედაგოგი თალიკო ჯაყელი ეწვივნენ. ჯანსაღ, ეკოლოგიურად სუფთა გარემოს მნიშვნელობაზე, ეკოლოგიური მდგომარეობის კონტროლის, კერძოდ, ზედაპირული წყლების დაბინძურების დონის დადგენის, მათი ორგანოლეპტიკური, ქიმიური და მიკრობიოლოგიური ანალიზის საკითხებსა და დაბინძურებული წყლების გაწმენდის მეთოდებზე სტუმრებს ესაუბრნენ მეცნიერ თანამშრომლები: ნინო კიკნაძე, ნინო მხეიძე, ნინო სეიდიშვილი, რაულ გოცირიძე; უფროსი ქიმიკოსი ნინო ხარაზი და მიკრობიოლოგი ქეთევან ჯიბლაძე.

ბათუმის შოთა რუსთაველის სახელმწიფო უნივერსიტეტის აგრარული და მემბრანული ტექნოლოგიების ინსტიტუტმა უნივერსიტეტის მესამე მისიის ფარგლებში, მოსწავლეებს უმასპინძლა. კომპლექსური ღონისძიების მიზანი იყო საბუნებისმეტყველო და აგრარულ მიმართულებებით სხვადასხვა აქტივობის დაგეგმვა და განხორციელება სტუდენტებისა და მოსწავლეების მონაწილეობით. ღონისძიება „ერთი დღე უნივერსიტეტში“ ფორმატში გაიმართა და მასში მონაწილეობდნენ ბათუმის 22, საჯარო სკოლის, ხალის, მახუნცეთის, გორგაძეების საჯარო სკოლის მოსწავლეები და ქიმიის და ბიოლოგიის პედაგოგები.

აგრარული და მემბრანული ტექნოლოგიების ინსტიტუტის სორბციული პროცესების ლაბორატორია შოთა რუსთაველის სახელმწიფო ფონდის საგრანტო პროექტის „ეკოლოგიურად სუფთა, უნარჩენო ტექნოლოგიის დამუშავება ნავთობპროდუქტებით დაბინძურებული წყლის გაწმენდისათვის’’ ფარგლებში, ახალი აპარატურით აღიჭურვა. ფურიე-ინფრაწითელ სპექტროფოტომეტრის - IRSpirit (Shimadzu, იაპონია) საშუალებით, განისაზღვრება წყალში ნავთობისა და ნავთობპროდუქტების კონცენტრაცია (ppm) გამხსნელებით წინასწარი ექსტრაქციის გარეშე (ASTM სტანდარტის შესაბამისად), რაც აადვილებს, სწრაფს და ეკოლოგიურს ხდის წარმოებულ ანალიზს. საანალიზოდ სინჯის მომზადება ხდება OSS Clear Shot მოწყობილობაზე, რომელიც აგრეთვე შეძენილია ხელსაწყოსთან ერთად.