ავსტრალიის თანამეგობრობის ეროვნული უნივერსიტეტის (ANU) ხელოვნებისა და სოციალურ მეცნიერებათა კოლეჯი (CASS) აცხადებს გლობალური სამხრეთის სტიპენდიების ახალ სქემას. ახალი სქემა შემუშავებულია დაინტერესებული კანდიდატი მკვლევრებისთვის. დაფინანსების სავარაუდო საერთო ოდენობა შეადგენს 16,850 ავსტრალიურ დოლარს თითო კანდიდატზე და განცხადებების წარდგენა ხდება სოციალურ მეცნიერებათა კოლეჯის გამოცდილების მქონე აკადემიური პერსონალის ხელშეწყობით.
10 ნოემბერს, ქუთაისში, ჰიბრიდულ რეჟიმში გაიმართება მულტიდისციპლინური საერთაშორისო სამეცნიერო კონფერენცია: „მდგრადი განვითარება: თანამედროვე ტენდენციები და გამოწვევები“. კონფერენციის თანაორგანიზატორები არიან: ბათუმის შოთა რუსთაველის სახელმწიფო უნივერსიტეტი, ევროპის უნივერსიტეტი, სამცხე-ჯავახეთის სახელმწიფო უნივერსიტეტი და სასწავლო უნივერსიტეტი გეომედი. კონფერენციის სამუშაო ენებია ქართული და ინგლისური. კონფერენციაში მონაწილეობა უფასოა.
7-8 სექტემბერს, გრიგოლ რობაქიძის სახელობის უნივერსიტეტის ბათუმის წარმომადგენლობაში გაიმართება მე-15 საერთაშორისო კონგრესი: „CUDES 2024: 15th International Congress on Current Debates in Social Sciences“. მასპინძელი უნივერსიტეტი ორგანიზებას გაუწევს კონფერენციის, დებატებისა და დისკუსიების ჩატარებას. CUDES-ი არის პლატფორმა მეცნიერებისთვის, მკვლევრებისა და სტუდენტებისათვის, რათა ჩაერთონ მნიშვნელოვან დისკურსში სოციალური მეცნიერებების თანამედროვე საკითხების განსახილველად.
შოთა რუსთაველის საქართველოს ეროვნული სამეცნიერო ფონდი აცხადებს 2024 წლის შავი ზღვისა და ზღვისპირა რეგიონის კვლევების საგრანტო კონკურსს - „შავი ზღვის ლურჯი განვითარება“. პროექტის მიზანია ახალი ცოდნის შექმნა, ახალი იდეებისა და კონცეფციების, მოვლენებისა და ფაქტების, თეორიებისა და მოდელების თეორიული და ექსპერიმენტული შესწავლა-ანალიზი, რაც გრძელვადიან პერსპექტივაში ხელს შეუწყობს ქვეყანაში შავი ზღვისა და ზღვისპირა რეგიონის შემსწავლელი კვლევების განვითარებასა და სოციალურ-პოლიტიკურ, ეკონომიკურ, საზოგადოებრივ, კულტურულ და საინფორმაციო-ტექნოლოგიურ პროგრესს.
2024 წლის 21-22 ივნისს, კავკასიის უნივერსიტეტში გაიმართება მეცხრე წლიური საერთაშორისო კონფერენცია „მეცნიერება მდგრადი განვითარებისთვის 2024". საერთაშორისო კონფერენციში მონაწილეობის მიღება შეუძლიათ როგორც აკადემიური ხარისხის მქონე პირებს, ისე დოქტორანტებს.აბსტრაქტების მიღების ბოლო ვადაა 2024 წლის 10 მაისი. კონფერენციაზე წარმოდგენილი ნაშრომები გამოქვეყნდება საერთაშორისო კონფერენციის კრებულში. დამატებითი ინფორმაციისათვის, გთხოვთ, ეწვიოთ ბმულს: https://www.cu.edu.ge/ka/survey/international-scientific-conference-science-for-sustainable-development-2024
