მასწავლებელთა პროფესიული განვითარების ეროვნული ცენტრის ორგანიზებით გაიმართა სკოლამდელი აღზრდისა და განათლების ხელშეწყობის პროგრამის ფარგლებში განხორციელებული საქმიანობების პრეზენტაცია. შეხვედრის მთავარი მიზანი იყო ცენტრის მიერ განხორციელებული საქმიანობების ანგარიშების წარდგენა, შექმნილი რესურსების გაზიარება და აღმზრდელ-პედაგოგის პროფესიულ სტანდარტში ცვლილებების გაცნობა. ღონისძიებაზე განიხილეს სკოლამდელი განათლების რეფორმის მხარდაჭერა, მეთოდოლოგია და კურიკულუმი, კარგი პრაქტიკა და საერთაშორისო პარტნიორობა, ასევე ქოუჩინგი პროფესიული განვითარებისთვის.

ბათუმის შოთა რუსთაველის სახელმწიფო უნივერსიტეტის პროფესიული განათლების მასწავლებლებს, პროფესიული პროგრამების მართვისა და უწყვეტი განათლების ცენტრის პერსონალს და პროფესიულ სტუდენტებს შეხვდა პერსონალურ მონაცემთა დაცვის ინსპექტორი მარიამ მამულაძე.

2025 წლის 28-30 მაისს ბათუმის შოთა რუსთაველის სახელმწიფო უნივერსიტეტის პროფესიული განათლების მასწავლებლებმა ელენე ოქროპირიძემ და ელენე აბაშიძემ მონაწილეობა მიიღეს პროფესიული უნარების სააგენტოს მიერ ორგანიზებულ „საგრანტო წინადადებების შემუშავებისა და ფონდების მოძიების" ტრენინგ-სემინარში.

ბათუმის შოთა რუსთაველის სახელმწიფო უნივერსიტეტის პროფესიულმა სტუდენტებმა მარიამ ირემაძემ (პროფესიული საგანმანათლებლო პროგრამა „საექთნო განათლება", 2024 წლის საშემოდგომო მიღება) და გიორგი ანთაძემ (პროფესიული საგანმანათლებლო პროგრამა „საფინანსო სერვისები") მოიპოვეს ერთჯერადი სოციალური სტიპენდია.

ბათუმის შოთა რუსთაველის სახელმწიფო უნივერსიტეტში პროფესიული განათლების სტუდენტებისა და პროფესიული განათლების მასწავლებლებისთვის ჩატარდა საინფორმაციო-საგანმანათლებლო სემინარი თემაზე: „საქართველოში აივ/შიდსისა და ტუბერკულოზის პრევენცია". სემინარი გაიმართა „საქართველოში აივ/შიდსისა და ტუბერკულოზის პრევენციის, მკურნალობის, მოვლისა და მხარდაჭერის ეროვნული სისტემების გაძლიერება" (GEO-C-NCDC) პროგრამის ფარგლებში ა(ა)იპ „საქართველოს ჯანმრთელობის ფედერაციის" ორგანიზებით.