ბსუ-ს პროფესიული პროგრამების მართვისა და უწყვეტი განათლების ცენტრისა და ელექტრონული ჟურნალის „პროფესიული განათლება“ ორგანიზებით, პირველად საქართველოში კონფერენცია „ლიდერობა პროფესიულ განათლებაში“ ტარდება. კონფერენცია გახსნეს და მონაწილეებს მიესალმნენ ბსუ-ს რექტორის მოადგილემ ანზორ ბერიძემ, ბსუ-ს პროფესიული პროგრამების მართვისა და უწყვეტი განათლების ცენტრის ხემძღვანელმა მადონა მიქელაძემ, განათლების ხარისხის განვითარების ეროვნული ცენტრის დირექტორის მოადგილემ კახაბერ ერაძემ, საქართველოს განათლებისა და მეცნიერების სამინისტროს პროფესიული დეპარატამენტის ხელმძღვანელმა თამარ კვინიკაძემ, პროფესიული უნარების სააგენტოს გენერალური დირექტორმა თამარ ქიტიაშვილმა და ელექტრონული ჟურნალის „პროფესიული განათლება“ დამფუძნებელმა ნინო ელბაქიძემ.

ბსუ-ს პროფესიული საგანმანათლებლო პროგრამის სტუდენტებს ირაკლი მიქელაძემ ტრენინგი ჩაუტარა თემაზე: „როგორ მოვამზადოთ ეფექტური CV, სამოტივაციო წერილი და როგორ მოვემზადოთ გასაუბრებისთვის". ტრენინგი მოიცავდა 2 ეტაპს, პირველ ეტაპზე მონაწილეები გაეცნენ ეფექტური CV-ის და სამოტივაციო წერილის მომზადების წესებს, მნიშვნელოვანი კომპონენტების გათვალისწინებასა და საკუთარი თავის მაქსიმალურად მომგებიან პოზიციაში წარმოჩენას. მეორე ეტაპი ითვალისწინებდა გასაუბრებისთვის მზადებას, კითხვებისათვის პასუხის თავის თავდაჯერებულად წარმოვაჩინას. გასაუბრებაზე თავის დაჭერა სხეულის ენის სპეციფიკების გამოყენებით.

ბათუმის შოთა რუსთაველის სახელმწიფო უნივერსიტეტის პროფესიული საგანმანათლებლო პროგრამების სტუდენტებისთვის საინფორმაციო შეხვედრა გაიმართა თემაზე: „შშმ პირთა უფლებები ეროვნულ კანომდებლობაში". ბსუ-ს სტუდენტთა კარიერული განვითარების, კულტურისა და სპორტის დეპარტამენტის სპეციალისტმა, პედაგოგმა თამაზ მჟავანაძემ მსმენელებს სამოქალაქო საზოგადოების ცნობიერების ამაღლების საკითხები გააცნო. ღონისძიება ბსუ-ს სტუდენტთა კარიერული განვითარების, კულტურისა და სპორტის დეპარტამენტის ორგანიზებით გაიმართა.

ბათუმის შოთა რუსთაველის სახელმწიფო უნივერსიტეტის პროფესიული პროგრამების მართვისა და უწყვეტი განათლების ცენტრში პროფესიული სტუდენტებისთვის ტარდება ტრენინგი თემაზე - როგორ მოვამზადოთ ეფექტური CV და სამოტივაციო წერილი და როგორ მოვემზადოთ გასაუბრებისთვის.
ტრენინგის მიზანია პროფესიულმა სტუდენტმა სამუშაოს ძიების პროცესში შეძლოს პოტენციურ დამსაქმებელთან საკუთარი თავის მაქსიმალურად წარმოჩენა და მოიპოვოს კონკურენტული უპირატესობა სხვა სამუშაოს მაძიებლებთან.

ბათუმის შოთა რუსთაველის სახელმწიფო უნივერსიტეტმა პროფესიული სასწავლებლების სტუდენტურ ფესტივალში მიიღო მონაწილეობა. ბსუ-ს პროფესიული პროგრამების მართვის და უწყვეტი განათლების ცენტრის წარმომადგენლებმა ფესტივალის საგამოფენო სივრცეში დამთვალიერებლებს უნივერსიტეტის პროფესიული საგანმანათლებლო პროგრამები წარუდგინეს. მსურველებს შესაძლებლობა ჰქონდათ, ადგილზევე გაცნობოდნენ პროფესიული პროგრამების სწავლების პრაქტიკულ მხარეს. ღონისძიება მიზნად ისახავდა ახალგაზრდებში პროფესიული საგანმანათლებლო პროგრამების პოპულარიზაციასა და გამოცდილების გაზიარებას. ფესტივალი ბათუმის სახელმწიფო საზღვაო აკადემიის პროფესიული მომზადების ცენტრმა ევროკავშირის მხარდაჭერით ჩაატარა.