კურსის მოცულობა: 50 საკონტაქტო საათი.

კურსის განხორციელებაში მონაწილე ტრენერები:

• მარეხ მგელაძე (ბსუ)
• ნინო დოლიძე (ევექსის კლინიკა)

კურსის მიზნები:

• ქცევის გამოყენებითი ანალიზის სამწევრიანი თანმიმდევრობის ყველა კომპონენტის (წინაპირობა; ქცევა; შედეგი) გაცნობა და მათი გამოყენების სწავლება პრაქტიკული სამუშაოსთვის;

• ქცევის გამოყენებითი ანალიზის მოკლე ისტორიის გაცნობა;
• ქცევაზე მოქმედი ძირითადი ფაქტორების განსაზღვრა;
• განმტკიცების, დასჯისა და ქცევის ჩაქრობის სახეებისა და რეჟიმების გაცნობა; მათი პრაქტიკაში გამოყენების სწავლება;
• მოტივაციური ფაქტორებისა და მათი მართვის მეთოდების გაცნობა;
• რთული ქცევის მართვის სტრატეგიების გაცნობა;
• ახალი უნარების ათვისებისთვის საჭირო ინტერვენციისა და დახმარების სახეების გაცნობა;
• ყოველდღიური პრაქტიკული სამუშაოსთვის აუცილებელი დოკუმენტაციის შევსების სწავლება;
• ქცევის გამოყენებითი ანალიზის ეთიკური საკითხის გაცნობა;
• ვერბალური ქცევის არსისა და მისი ძირითადი ოპერანტების გაცნობა;
• აუტიზმის და განვითარების სხვა ძირითადი დარღვევების სიმპტომების, ეტიოლოგიის, მხარდაჭერის მეთოდების გაცნობა.

კურსზე დაშვების წინაპირობა: პროგრამის სამიზნე ჯგუფს შეადგენენ ზოგადსაგანმანათლებლო სკოლების სპეცმასწავლებელები, სკოლამდელი დაწესებულებების მეთოდისტები, აღმზრდელები, ფსიქოლოგები, მეტყველების თერაპევტები, აგრეთვე ნებისმიერი მსურველი, ვინც დაინტერესებულია ქცევის მართვის ძირითადი სტრატეგიების  შესწავლით.

მოსალოდნელი შედეგები:

კურსის  გავლის შემდეგ მსმენელებს

ა) ეცოდინებათ:

• ქცევის სამწევრიანი თანმიმდევრობის ყველა კომპონენტი;

• როგორ ამოიცნონ და მართონ მოტივაციური და გარე ფაქტორები;
• ალტერნატიული კომუნიკაციის სახეები;
• განვითარების ძირითადი დარღვევებისთვის დამახასიათებელი ადრეული ნიშნები;
• ქცევის გამოყენებითი ანალიზის მოკლე ისტორია და ის პიროვნებები,
• თერაპევტის პროფესიული ეთიკა;
• ქცევის ძირითადი მახასიათებლები და მათი გაზომვის ტექნიკები.
• პროფესიული ლექსიკა და ყველა იმ ტერმინის დეფინიცია, რომელიც გამოიყენება ქცევის გამოყენებით ანალიზში;

ბ) შეეძლებათ:

• რთული ქცევის მართვა შესაბამისი სტრატეგიის გამოყენების საშუალებით;
• კლიენტის ახალი უნარების ათვისების სხვადასხვა და ინდივიდუალურ შემთხვევებზე მორგებული სტრატეგიების გამოყენება;
• აუტიზმის პროგრამაში არსებული ძირითადი დოკუმენტაციის წარმოება პროგრამის სუპერვაიზერის მხარდაჭერით;

გ) ათვისებული ექნებათ:

• ქცევითი თერაპევტისათვის საჭირო უნარები, რომლებმაც დიდი წვლილი შეიტანეს მის ჩამოყალიბებაში;
• ვერბალური ქცევისს არსის და მისი ოპერანტების ფორმირების მეთოდები.

შეფასების სისტემა: ტრენინგის მონაწილე ფასდება 100 ქულიანი სისტემით.

ტრენინგების ჩატარება შესაძლებელია როგორც ონლაინ,  ასევე პირისპირ რეჟიმში.

სერტიფიკატის მიღების პირობები

მსმენელი, რომელიც დააგროვებს 75 ქულას და მეტს, მიიღებს ტრენინგ-კურსის გავლის დამადასტურებელ სერთიფიკატს.

ტრენინგ-კურსის გავლის მსურველებმა უნდა ჩამოტვირთონ განცხადება და შევსებული ვერსია გააგზავნონ შემდეგ ელექტრონულ მისამართზე: info@bsu.edu.ge (განაცხადის ფორმა იხილეთ მიმაგრებულ ფაილში). განცხადების შევსება შესაძლებელია უნივერსიტეტის კანცელარიაშიც.

საკონტაქტო პირი:  თემურ ავალიანი - ბსუ-ს პროფესიული პროგრამების მართვისა და უწყვეტი განათლების ცენტრის მასწავლებელთა გადამზადებისა  და სკოლამდელი აღზრდის მიმართულების კოორდინატორი, ტელეფონი: (+995) 595 506 422.

  განცხადების ფორმა