ბათუმის შოთა რუსთაველის სახელმწიფო უნივერსიტეტის პროფესიული პროგრამების მართვისა და უწყვეტი განათლების ცენტრმა საინფორმაციო შეხვედრა გამართა ბათუმში, საქართველოს ეროვნული გვარდიის მე-10 ტერიტორიული თავდაცვის ბრიგადის ჯარისკაცებისთვის.
საპროფორიენტაციო შეხვედრის ფარგლებში მონაწილეებს მიეწოდათ ინფორმაცია მიმდინარე საშემოდგომო რეგისტრაციის ფარგლებში გამოცხადებული პროფესიული პროგრამების შესახებ, ასევე ბსუ-ს პროფესიული განათლების მიმართულებით განხორციელებულ საგანმანათლებლო საქმიანობასა და შესაძლებლობებზე.
აღნიშნული პროექტი ხორციელდება საქართველოს თავდაცვის სამინისტროსა და საქართველოს განათლებისა და სპორტის სამინისტროს მხარდაჭერით. პროექტში მონაწილეობას იღებს აჭარის რეგიონში მოქმედი 10-ზე მეტი პროფესიული საგანმანათლებლო დაწესებულება.
| უკან |
