AI პრაქტიკაში-ცოდნა, რომელიც მომავალ პროფესიებს ქმნის.
ბსუ-ს პროფესიული პროგრამების მართვისა და უწყვეტი განათლების ცენტრის ორგანიზებით, ბათუმის ტექნოპარკში ჩატარდა მასტერკლასი „AI პრაქტიკაში-შესაძლებლობები, ინსტრუმენტები და გამოყენების თანამედროვე მიდგომები“, რომელიც პროფესიული საგანმანათლებლო პროგრამების სტუდენტებისთვის გაიმართა.
მასტერკლასს უძღვებოდა ბათუმის ტექნოპარკის ფაბლაბის მენეჯერი თაზო ჩხარტიშვილი, რომელმაც მონაწილეებს ხელოვნური ინტელექტის თანამედროვე შესაძლებლობები, მისი განვითარების ტენდენციები და სხვადასხვა სფეროში პრაქტიკული გამოყენების მაგალითები გააცნო.
შეხვედრის ფარგლებში სტუდენტებმა იმსჯელეს ხელოვნური ინტელექტის როლზე განათლებაში, ბიზნესსა და ტექნოლოგიებში, გაეცნენ ეთიკური გამოყენების პრინციპებს, Machine Learning-ის საფუძვლებსა და გენერაციული AI-ის შესაძლებლობებს. თეორიული ნაწილი პრაქტიკულ აქტივობებთან იყო შერწყმული.
მსგავსი საგანმანათლებლო აქტივობები პროფესიული განათლების მნიშვნელოვან ნაწილს წარმოადგენს, სტუდენტებს აძლევს შესაძლებლობას, თანამედროვე ტექნოლოგიები არა მხოლოდ თეორიულად შეისწავლონ, არამედ პრაქტიკულადაც გამოსცადონ და განივითარონ შრომის ბაზარზე მოთხოვნადი ციფრული კომპეტენციები.
| უკან |
