საერთშორისო გამომცემლობა Hart Publishing-ის მიერ გამოქვეყნდა წიგნი Judicial Bricolage, The Use of Foreign Precedents by Constitutional Judges in the 21st Century, Tania Groppi, Marie-Claire Ponthoreau, Irene Spigno (Editors), Hart Publishing, 2025 რომლის ერთ-ერთი თავის ავტორია ბათუმის შოთა რუსთაველის სახელმწიფო უნივერსიტეტის პროფესორი, ჟან მონეს კათედრის ხელმძღვანელი მალხაზ ნაკაშიძე. აღნიშნულ თავის სახელწოდებაა „უცხოური პრეცედენტების გამოყენება საქართველოს საკონსტიტუციო სასამართლოს მიერ: პირდაპირი ციტირება და ფრთხილი თავშეკავება”. ნაშრომში 31 ქვეყანასთან ერთად, საქართველოს სინამდვილეში პირველად არის გაანალიზებული საქართველოს საკონსტიტუციო სასამართლოს მიერ უცხოური სასამართლო პრეცედენტების გამოყენების საკითხი 1996-2022 წლების სასამართლო პრაქტიკის მიხედვით. პუბლიკაცია განკუთვნილია მოსამართლეების, უნივერსიტეტის სტუდენტების, პროფესორების და სხვა დაინტერესებული პირებისთვის.

2025 წლის 27 მარტს იურიდიული და სოციალურ მეცნიერებათა ფაკულტეტს ქართულ-ამერიკული უნივერსიტეტის სამართლის, სოციალური მეცნიერებების და დიპლომატიის სკოლის წარმომადგენლები ეწვივნენ. შეხვედრაზე სტუმრებმა აკადემიურ პირებს საგრანტო პროექტის შედეგები გააცნეს. ქართულ-ამერიკული უნივერსიტეტი, თბილისის სახელმწიფო უნივერსიტეტთან ერთად შოთა რუსთაველის საქართველოს ეროვნული სამეცნიერო ფონდის მხარდაჭერით ახორციელებს კვლევით პროექტს - საზოგადოება გარდაქმნის ეპოქაში: თანამედროვე საქართველოს სოციალური სტრუქტურა, FR-22-21892. პროექტის მიზანია შეისწავლოს ჩვენი საზოგადოება და მოახდინოს მისი ახლებური სტრატიფიკაცია European Value Study-ის, ISSP-ის და Eurobarometer-ის ფარგლებში მიღებულ მონაცემებზე დაყრდნობით.

იურიდიული და სოციალური მეცნიერებების ფაკულტეტის ასისტენტ პროფესორი, გიგა ფარტენაძე, John Smit Trust Fellowship პროგრამით, ორი კვირის განმავლობაში ინგლისსა და შოტლანდიას სტუმრობდა. ვიზიტის ფარგლებში, იგი მონაწილეობდა სხვადასხვა სახის ტრენინგებში, შეხვედრებში, დებატებსა და დისკუსიებში. შეხვედრები ასევე გაიმართა St. Andrew’s და Edinburgh - ის უმაღლეს სასწავლებლებში, რომლებიც ბრიტანეთის საუკეთესო უნივერსიტეტების ჩამონათვალშია. შეხვედრების ფარგლებში განხილულ იქნა სამომავლო თანამშრომლობის გზები.

ბათუმის შოთა რუსთაველის სახელმწიფო უნივერსიტეტის იურიდიული და სოციალურ მეცნიერებათა ფაკულტეტი ლიეტუვის მიკოლას რომერის უნივერსიტეტთან ორმაგი დიპლომის ინგლისურენოვანი სამაგისტრო საგანმანათლებლო პროგრამების განხორციელებას იწყებს.

2025 წლის 21 თებერვალს, ბსუ-ს ჟან მონეს კათედრის (EUCONST) ორგანიზებით, ბათუმის შოთა გაიმართა რუსთაველის სახელმწიფო უნივერსიტეტში, ჟან მონეს ზამთრის სკოლის „ევროკავშირში გაწევრიანების პოლიტიკური კრიტერიუმები და ევროპეიზაცია“ ფარგლებში, საქართველოს პირველი კონსტიტუციისადმი მიძღვნილი ღონისძიება გაიმართა. ბსუ-ს პროფესორმა, ჟან მონეს კათედრის ხელმძღვანელმა მალხაზ ნაკაშიძემ ჩაატარა საჯარო ლექცია თემაზე: “1921 წლის 21 თებერვლის კონსტიტუცია - ევროპული ღირებულებები და დემოკრატიული მმართველობის ევროპული მოდელი“.