ბსუ იურიდიული და სოციალურ მეცნიერებათა ფაკულტეტის იურიდიულ კლინიკაში, პრაქტიკული უნარ-ჩვევების დაუფლების მიზნით, ჩატარდა სტუდენტთა შესარჩევი კონკურსი. კონკურსში მონაწილეობის მისაღებად რეგისტრაცია გაიარა 20-მა კონკურსანტმა. გასაუბრების შედეგად, საკონკურსო კომისიის (ნარგიზ ცეცხლაძე-კომისიის თავმჯდომარე, ლინდა შალამბერიძე-კომისიის წევრი, იოსებ შოთაძე-კომისიის წევრი) გადაწყვეტილებით იურიდიულ კლინიკაში ჩაირიცხნენ შემდეგი კონკურსანტები:
იურიდიული და სოციალურ მეცნიერებათა ფაკულტეტის დეკანი ლევან ჯაყელი, რექტორის მოადგილე გიორგი ქათამაძე, ფაკულტეტის ადმინისტრაციის წარმომადგენლები და პროფესორ-მასწავლებლები პირველკურსელებს შეხვდნენ. ახალგაზრდებს სტუდენტობა მიულოცეს და წარმატებები უსურვეს. სტუდენტებმა შეხვედრაზე დეტალური ინფორმაცია მიიღეს საუნივერსიტეტო ცხოვრებაზე, მარეგულირებელ აქტებზე, აკადემიური შეფასების სისტემაზე, სტიპენდიებზე, გაცვლით პროგრამებზე, ელექტრონულ სერვისებსა და კულტურულ-საგანმანათლებლო პროექტებზე.
2025 წლის 27-31 აგვისტოს, ბათუმის შოთა რუსთაველის სახელმწიფო უნივერსიტეტის იურიდიული და სოციალურ მეცნიერებათა ფაკულტეტის პროფესორმა, ჟან მონეს კათედრის (EUCONST) ხელმძღვანელმა, ჟან მონეს მოდულის (TRIO.JOIN.EU) კოორდინატორმა, მალხაზ ნაკაშიძემ და ბსუ-ს სტუდენტებმა მონაწილეობა მიიღეს საზაფხულო სკოლაში იტალიაში.
ბსუ-ში საზაფხულო სკოლა „კონსტიტუციური მართლმსაჯულება" გაიხსნა. საზაფხულო სკოლაში მონაწილეობს სხვადასხვა უნივერსიტეტის სამართლის საბაკალავრო და სამაგისტრო საგანმანათლებლო პროგრამის 20 სტუდენტი. სწავლებას უძღვებიან ბსუ-ს იურიდიული და სოციალურ მეცნიერებათა ფაკულტეტის დეკანი, პროფესორი ლევან ჯაყელი და სამცხე-ჯავახეთის სახელმწიფო უნივერსიტეტის იურიდიული ფაკულტეტის დეკანი, პროფესორი დავით ხობელია. საზაფხულო სკოლის ფარგლებში მონაწილეები ეწვევიან საქართველოს საკონსტიტუციო სასამართლოს, სადაც გაეცნობიან სასამართლოს საქმისწარმოებისა საკითხებს.
2025 წლის 30 ივლისს, ბათუმის შოთა რუსთაველის სახელმწიფო უნივერსიტეტში საზაფხულო სკოლა „ევროკავშირში გაწევრიანების პოლიტიკური კრიტერიუმები და ევროპეიზაცია“ დასრულდა. სკოლის მონაწილეებს ჟან მონეს საერთაშორისო სერტიფიკატები გადაეცათ. საზაფხულო სკოლა ყოველ წელს ტარდება „ერაზმუს+“-ის პროგრამის ფარგლებში, ევროკავშირის მიერ დაფინანსებული ჟან მონეს მოდულის „ევროკავშირში გაწევრიანების პოლიტიკური კრიტერიუმები და საქართველოს, მოლდოვასა და უკრაინის ევროპეიზაციის“ ფარგლებში, რომელიც იურიდიული და სოციალურ მეცნიერებათა ფაკულტეტზე ხორციელდება 2023 წლიდან. მოდული მიზნად ისახავს ევროკავშირის ღირებულებების პოპულარიზაციას, ევროკავშირის შესახებ კვლევებისა და სწავლების განვითარების ხელშეწყობის გზით. მიმდინარე წელს, საზაფხულო სკოლა ჩატარდა ასოციაცია „სიბილინი ევროპა“-თან (იტალია) თანამშრომლობით, რომლის წევრებმა ჩაატარეს ლექციები საზაფხულო სკოლი სტუდენტებისთვის.
