ხელოვნური ინტელექტის კომუნიკაციის მკვლევარმა, პროფესორმა, ცირა ბარბაქაძემ ბსუ-ს პროფესორ-მასწავლებლებისთვის მასტერკლასი ჩაატარა თემაზე: „ხელოვნური ინტელექტი ყველასთვის/გენერაციული ჩატბოტები“. მასტერკლასი მიეძღვნა თანამედროვე ციფრული სამყაროს ერთ-ერთ ყველაზე რევოლუციურ ტექნოლოგიას - გენერაციულ ხელოვნურ ინტელექტს (AI) და მისი გამოყენების პრაქტიკულ გზებს განათლებაში, პროფესიულ განვითარებასა და პერსონალურ ზრდაში. მონაწილეები გაეცნენ ტექნოლოგიურ შესაძლებლობებს და იმასაც, თუ როგორ შექმნან ახალი ტიპის აზროვნების დიზაინი ჩატბოტებთან ეფექტური დიალოგის მეშვეობით.

12-16 მაისს, ბათუმის შოთა რუსთაველის სახელმწიფო უნივერსიტეტის ასოცირებული პროფესორი ჟუჟუნა გუმბარიძე პოზნანის ფიზიკური განათლების უნივერსიტეტის ადმინისტრაციის მოწვევით Erasmus+ პროექტის (KA131) ფარგლებში ერთკვირიანი ვიზიტით იმყოფებოდა პოლონეთში და მონაწილეობდა აკადემიური და ადმინისტრაციული პერსონალის საერთაშორისო კვირეულში.

ბათუმის შოთა რუსთაველის სახელმწიფო უნივერსიტეტში აკადემიური საბჭოს გადაწყვეტილებით, 34-ე აუდიტორიას ცნობილი ქართველი არქეოლოგის, ისტორიის მეცნიერებათა დოქტორის, ბსუ-ს ემერიტუს-პროფესორის, შოთა მამულაძის სახელი მიენიჭა. აუდიტორია ბსუ-ს რექტორმა, ტიტე აროშიძემ ბატონი შოთა მამულაძის მეუღლესთან ერთად გახსნა.

12-16 მაისს, ბათუმის შოთა რუსთაველის სახელმწიფო უნივერსიტეტის ჰუმანიტარული ფაკულტეტის ხარისისხის უზრუნველყოფის სამსახურის უფროსი, ევროპეისტიკის დეპარტამენტის ასოცირებული პროფესორი ივდით დიასამიძე და ევროპეისტიკის დეპარტამენტის ასოცირებული პროფესორი ლალი თავაძე „ერაზმუს +“-ის აკადემიური მობილობის ფარგლებში, იმყოფებოდნენ შჩეცინის უნივერსიტეტში, პოლონეთი.

ბათუმის შოთა რუსთაველის სახელმწიფო უნივერსიტეტში გერმანული ენის მცოდნე სტუდენტებისა და მოსწავლეებისთვის საგაზაფხულო სკოლა გაიმართა. სკოლა მიზნად ისახავდა ახალგაზრდების გერმანულენოვან აკადემიურ და კულტურულ სივრცეში ინტეგრაციასა და პრაქტიკული უნარების განვითარებას.