ბათუმის შოთა რუსთაველის სახელმწიფო უნივერსიტეტში, ჰუმანიტარულ მეცნიერებათა ფაკულტეტზე, ქართული ენის დღე ცნობილი ენათმეცნიერის, მერი ცინცაძის მონოგრაფიის - „იოანე სინელის „კლემაქსის“ ქართული თარგმანები“ წარდგენითა და მისივე სახელობის კაბინეტის გახსნით აღნიშნა აღინიშნა. მის ღვაწლსა და ენათმეცნიერების განვითარებაში შეტანილ წვლილზე ისაუბრეს უნივერსიტეტის რექტორმა, ტიტე აროშიძემ, ჰუმანიტარულ მეცნიერებათა ფაკულტეტის დეკანმა, თეონა ბერიძემ და პროფესორ-მასწავლებლებმა.

ბსუ-ში ფრანკოფონიის საუნივერსიტეტო სააგენტოს (AUF) მხარდაჭერითა და ბათუმის შოთა რუსთაველის სახელმწიფო უნივერსიტეტის ორგანიზებით, სტუდენტური კონფერენცია „Ma Francophonie 2025“ ჩატარდა, რომელიც ფრანკოფონიის დღეებს მიეძღვნა. ღონისძიება ფრანკოფონულ ცენტრში (CEF) გაიმართა, სადაც სტუდენტებმა და მოსწავლეებმა წარმოადგინეს პრეზენტაციები ფრანგული კულტურისა და ცივილიზაციის შესახებ. ასევე, სტუდენტებმა, რომლებიც გაცვლითი პროგრამით საფრანგეთში იმყოფებოდნენ ისაუბრეს ფრანგულ უნივერსიტეტებში სტუდენტურ დაკულტურულ ცხოვრებაში უცხოელ სტუდენტთა ინტეგრირების საკითხებზე.

28 მარტს, ფრანკოფონიის კვირეულის ფარგლებში, ბსუ-ს პროფესორ-მასწავლებლებმა ალექსანდრე დიუმას სახელობის ფრანგულ-ქართული სკოლის მოსწავლეები მოინახულეს. ბსუ-ს ასისტენტ პროფესორი ნათია აბაშიძე და ფილოლოგიის დოქტორი სოფიო კახიძე ალექსანდრე დიუმას სახელობის ფრანგულ-ქართული სკოლის მაღალი კლასის მოსწავლეებსა და სკოლის მასწავლებლებს შეხვდნენ.

ბათუმის შოთა რუსთაველის სახელმწიფო უნივერსიტეტის ისტორიის, არქეოლოგიისა და ეთნოლოგიის დეპარტამენტის ხელმძღვანელმა, პროფესორმა ჯემალ კარალიძემ 25 მარტს, რელიგიის მუზეუმში ჩაატარა საჯარო ლექცია თემაზე: „საქართველოს ეკლესიის ავტოკეფალიის აღდგენა“. ლექციას ესწრებოდნენ: ბათუმის წმ. ანდრია პირველწოდებულის სახელობის სკოლის მე-11 კლასის მოსწავლეები - პედაგოგი ზვიად ჩხენკელი, ახალშენის N2 საჯარო სკოლის მე-9 კლასის მოსწავლეები - პედაგოგი მაყვალა ანანიძე, ვეტერან ქალთა კავშირის - „ღიმილის ქალბატონების” წევრები.

ბსუ-ს ჰუმანიტარულ მეცნიერებათა ფაკულტეტის ქართული ფილოლოგიის დეპარტამენტის პროფესორმა მაია კიკვაძემ მონაწილეობა მიიღო ევროკომისიის მიერ დაფინანსებული „ERASMUS+"-ის გაცვლითი პროგრამის 2024 – 2025 სასწავლო წლის გაზაფხულის სემესტრის მოკლევადიანი მობილობის განხორციელებაში, თურქეთის ქალაქ სამსუნში, 19 მაისის უნივერსიტეტში.