„ვარდისფერი ოქტომბრის“ კამპანიის ფარგლებში, ბათუმის შოთა რუსთაველის სახელმწიფო უნივერსიტეტის საბუნებისმეტყველო მეცნიერებათა და ჯანდაცვის ფაკულტეტზე სტუდენტებთან ინტერაქციული შეხვედრა გაიმართა. ღონისძიების მიზანი ძუძუს კიბოს პრევენციის, ადრეული გამოვლენისა და რეგულარული სკრინინგის მნიშვნელობის შესახებ ახალგაზრდების ცნობიერების ამაღლება იყო.
ბათუმის შოთა რუსთაველის სახელმწიფო უნივერსიტეტში მეორე საერთაშორისო კონფერენცია „ახალი ჰორიზონტები 2026“ გაიხსნა. ფორუმის მიზანია აღმოსავლეთ პარტნიორობის, სამხრეთ კავკასიისა და ცენტრალური აზიის ქვეყნებს შორის რეგიონული თანამშრომლობის გაძლიერება, საერთაშორისო დიალოგის გაღრმავება და ახალი პარტნიორული ურთიერთობების განვითარება.
ბათუმის შოთა რუსთაველის სახელმწიფო უნივერსიტეტის ორგანიზებითა და აჭარის ა.რ. განათლებისა და სპორტის სამინისტროს მხარდაჭერით, საერთაშორისო სამეცნიერო კონფერენცია იმართება თემაზე: „ქრისტიანული საქართველოს 1700 წელი“. სამეცნიერო კონფერენცია გახსნეს და მონაწილეებს მისასალმებელი სიტყვით მიმართეს ბსუ-ს რექტორმა ტიტე აროშიძემ, აჭარის ა.რ. განათლებისა და სპორტის მინისტრის მოადგილე თათია გორგილაძემ, ჰუმანიტარულ მეცნიერებათა ფაკულტეტის დეკანმა თეონა ბერიძემ, პროფესორმა ჯემალ კარალიძემ, წმ. გაბრიელ აღმსარებლისა და სალოსის ტაძრის წინამძღვარმა, ბათუმის წმ. ანდრია პირველწოდებულის სახელობის სკოლის რექტორმა, დეკანოზმა ილია ხინიკაძემ და სხვა მოწვეულმა სტუმრებმა.
ბსუ-ში ქართველი ენათმეცნიერის, კავკასიოლოგის, ბათუმის შოთა რუსთაველის სახელმწიფო უნივერსიტეტის საპატიო დოქტორის, პროფესორ მანანა თანდაშვილის საჯარო ლექცია გაიმართა თემაზე: „ქართული ენა ციფრულ ეპოქაში - ხელოვნური ინტელექტის შესაძლებლობები.“ ლექცია მიეძღვნა ცნობილი მეცნიერის 25 წლიან საქმიანობას გერმანიაში.
ბათუმის შოთა რუსთაველის სახელმწიფო უნივერსიტეტს შვეიცარიის ახლადდანიშნული ელჩი საქართველოში, ფაბიენ ვასერმანი ეწვია. დიპლომატიური კორპუსის წარმომადგენელს ბსუ-ს რექტორი ტიტე აროშიძე შეხვდა. გაცნობითი ხასიათის შეხვედრაზე მხარებმა ორ ქვეყანას შორის არსებულ ურთიერთობებზე ისაუბრეს და თანამშრომლობის ახალი შესაძლებლობები განიხილეს. რექტორმა ელჩს გააცნო უნივერსიტეტის ისტორია, საგანმანათლებლო პროგრამებთან დაკავშირებული სიახლეები და საერთაშორისო თანამშრომლობის მიმართულებები. შეხვედრაზე ყურადღება გაამახვილეს სტუდენტებისა და პროფესორ-მასწავლებლებისთვის გაცვლითი პროგრამების და პროექტების განხორციელებაზე.
