ახალი ამბები

ისტორიულ ტაო-კლარჯეთში ბსუ-ს ტურიზმის ფაკულტეტის ტრადიციული სასწავლო-პრაქტიკული ტური მოეწყო. სამდღიანი საგანმანათლებლო ტურის ფარგლებში, 50-მდე სტუდენტი ეწვია ხახულის, ოშკის, იშხანის, ოთხთას, პარხალის, დოლისყანის და ტბეთის ტაძრებსა და სამონასტრო კომპლექსებს. საველე პრაქტიკა განხორციელდა კულტურული ტურიზმის, საექსკურსიო საქმის და ტუროპერირების სასწავლო კურსების ფარგლებში და მიზნად ისახავდა სტუდენტებისთვის თეორიული ცოდნის გაღრმავებას და პროფესიული უნარ-ჩვევების განვითარებას.

ბსუ-მ პოლონეთის ქვემო სილეზიის საზოგადოებრივ მეცნიერებათა საგნების (ისტორია, გეოგრაფია, სამოქალაქო განათლება) პედაგოგებს უმასპინძლა. სტუმრებს ბსუ-ს რექტორი, ტიტე აროშიძე, რექტორის მოადგილე, თამარ სირაძე, მასწავლებლის მომზადების პროგრამის ხელმძღვანელი, პროფესორი ლელა თავდგირიძე და პროგრამის განმახორციელებლები შეხვდნენ. შეხვედრაზე ხაზი გაესვა ორ ქვეყანას შორის არსებულ მეგობრულ ურთიერთობებსა და თანამშრომლობის მნიშვნელობას.

23 აპრილს მსოფლიოში წიგნის საერთაშორისო დღეს აღნიშნავენ. „იუნესკომ“ ეს თარიღი მიგელ დე სერვანტესის გარდაცვალების და უილიამ შექსპირის დაბადების და გარდაცვალების გამო აირჩია და წიგნის საერთაშორისო დღედ გამოაცხადა. წიგნის საერთაშორისო დღე ყოველწლიურად საქართველოშიც აღინიშნება. ამ დღესთან დაკავშირებით, ბათუმის შოთა რუსთაველის სახელმწიფო უნივერსიტეტის, საბუნებისმეტყველო მეცნიერებათა და ჯანდაცვის ფაკულტეტის გეოგრაფიის დეპარტამენტის წარმომადგენლები ეწვივნენ ქვედა ახალშენის საჯარო სკოლის ბიბლიოთეკას და საჩუქრად გადასცეს მოსწავლეთა ასაკობრივი თავისებურებების გათვალისწინებით შერჩეული მხატვრული ლიტერატურა.

ბათუმის შოთა რუსთაველის სახელმწიფო უნივერსიტეტსა და აფხაზეთის ა.რ. იუსტიციისა და სამოქალაქო ინტეგრაციის სამინისტროს შორის თანამშრომლობის მემორანდუმი გაფორმდა. დოკუმენტს ხელი ბათუმის შოთა რუსთაველის სახელმწიფო უნივერსიტეტს რექტორმა, ტიტე აროშიძემ და აფხაზეთის იუსტიციისა და სამოქალაქო ინტეგრაციის მინისტრმა, გიორგი ძიგუამ და მოაწერეს. თანამშრომლობა ითვალისწინებს სასწავლო და სამეცნიერო მიმართულებით ურთიერთობების გაღრმავებას. მხარეებს შორის დაიგეგმა ერთობლივი პროექტებისა და ღონისძიებების განხორციელება.

ბათუმის შოთა რუსთაველის სახელმწიფო უნივერსიტეტს ეწვევნენ ბერლინის ტექნიკისა და ეკონომიკის უმაღლესი სკოლის (HTW Berlin) წარმომადგენლები: პროფესორი მირკო ბარზი და საერთაშორისო სამსახურის უფროსი კლაუს ლანგი. ვიზიტი განხორციელდა გერმანიის აკადემიური გაცვლის სააგენტოს (DAAD) მიერ დაფინანსებული გრანტის Fact Finding Missions (2025) ფარგლებში. პროექტი მიზნად ისახავს მდგრადი განვითარების მიზნების იმპლემენტაციის შესაძლებლობების შესწავლას ადგილობრივ დონეზე და საერთაშორისო სამეცნიერო პროექტის განაცხადის მომზადებას.