ახალი ამბები

შოთა რუსთაველის სამეცნიერო ფონდის საგრანტო პროექტის „ისტორიული ჭანეთის ცენტრალურ ნაწილში დაცული ქართული კულტურული მემკვიდრეობის ძეგლები (საფორტიფიკაციო ნაგებობები, ეკლესიები, საკომუნიკაციო და საყოფაცხოვრებო არქიტექტურის ნიმუშები)“ ფარგლებში, დასრულდა პირველი კომპლექსური სამეცნიერო ექსპედიცია ისტორიული ჭანეთის ტერიტორიაზე. ექსპედიცია მიზნად ისახავდა ტრაპიზონისა და მისი შემოგარენის კვლევას. ერთი კვირის განმავლობაში ექსპედიციის წევრებმა შეისწავლეს ზღვისპირა ზოლსა და დეღრიმენდერეს ხეობაში მდებარე საფორტფიკაციო ნაგებობები: ახჩა-კალე, იენესილ კალე, კალექოი, ტრაპიზონის ციხის რომაული ეპოქის გალავნის ნაშთები, იენიქოი და ხამსიქოის ციხეები, მაჩკას ეკლესია, თერაზილერისა და ჯოშანდერეს ქვის თაღოვანი ხიდები. მკვლევრებმა წარმოადგინეს საფორტფიკაციო ნაგებობების აღწერა-დახასიათება, გრაფიკული და ფოტოფიქსაცია. ექსპედიციის ფარგლებში, ასევე შეგროვდა ეთნოგრაფიული და ტოპონიმიკური მასალებიც.

დღეს, ბათუმის შოთა რუსთაველის სახელმწიფო უნივერსიტეტში, ფრანკფურტის იოჰან ვოლფგანგ გოეთეს უნივერსიტეტისა და ბსუ-ს ერთობლივი VI საზაფხულო სკოლა დიგიტალურ ჰუმანიტარიაში გაიხსნა. საერთაშორისო საზაფხულო სკოლა 2012 წლიდან ყოველწლიურად ტარდება და მისი მიზანია დიგიტალური ჰუმანიტარიის განვითარება საქართველოში, ენისა და კულტურის ელექტრონული დოკუმენტაციის ძირითადი პრინციპებისა და მეთოდების შესწავლა, აღნიშნული პროფილის ქართული და საერთაშორისო ელექტრონული რესურსების გაცნობა, საველე სამუშაოების ჩატარების უნარ-ჩვევების გამომუშავება.

ჟურნალისტიკის რესურსცენტრის (JRC) და ცესკოს სწავლების ცენტრის ერთობლივი პროექტის „გაიზიარე ქალთა მონაწილეობა არჩევნებში“ ფარგლებში ბათუმის შოთა რუსთაველის სახელმწიფო უნივერსიტეტში შეხვედრა გაიმართა. პროექტის ორგანიზატორები რეგიონული უნივერსიტეტების კოორდინატორებთან და სტუდენტებთან ერთად, ბსუ-ს რექტორს მერაბ ხალვაშს შეხვდნენ და სამომავლო თანამშრომლობის გეგმები გააცნეს. ჟურნალისტიკის რესურსცენტრი და ,ცესკოს სწავლების ცენტრი ბათუმის შოთა რუსთაველის სახელმწიფო უნივერსიტეტთან და სხვა რეგიონულ უნივერსიტეტებთან ერთად, მორიგ პროექტს „სტუდენტები არჩევნებისთვის“ იწყებს. პროექტის მიზანია ქალთა ჩართულობის ზრდა 2017 წლის თვითმმართველობის არჩევნების პროცესში, ახალგაზრდა ამომრჩევლის ინფორმირებულობის დონისა და სოციალური კამპანიის - „გაიზიარე ქალთა მონაწილეობა არჩევნებში” წარმოება.

ბათუმის შოთა რუსთაველის სახელმწიფო უნივერსიტეტში საერთაშორისო მონაცემთა ბაზების საინფორმაციო დღე გაიმართა. ღონისძიების ფარგლებში ბსუ-ს ეწვია EBSCO- ს გაყიდვების მენეჯერი ირინა კრესიაკოვა. სტუმარმა უნივერსიტეტის ბიბლიოთეკარებისა და აკადემიური პერსონალისათვის სემინარი გამართა თემაზე: "EBSCO-ს საძიებო სისტემის შესაძლებლობები და აკადემიური ელექტრონული ბაზები".

„ჩვენ ვკრავთ წრეს“ - ამ სლოგანით ბათუმის ცენტრალურ პარკში „ Ajara Picnic FEST 2017" გაიმართა. ვიზიტორებს საშუალება ჰქონდათ ბათუმის შოთა რუსთაველის სახელმწიფო უნივერსიტეტის მომავლის სამრეწველო ინოვაციურ ლაბორატორიაში „ფაბლაბი“