ახალი ამბები

ბათუმის შოთა რუსთაველის სახელმწიფო უნივერსიტეტმა უზბეკეთის ბუხარას სახელმწიფო უნივერსიტეტის რექტორს, ობიჟონ ხამიდოვს უმასპინძლა. ვიზიტის ფარგლებში ობიჟონ ხამიდოვი ბსუ-ს რექტორს, ტიტე აროშიძეს შეხვდა. გაცნობითი ხასიათის შეხვედრაზე მხარეებმა ისაუბრეს საგანმანათლებლო და სამეცნიერო მიმართულებებზე, სტუდენტებისა და აკადემიური პერსონალისთვის გაცვლითი პროგრამების განხორციელებაზე, უნივერსიტეტებს შორის მემორანდუმის გაფორმების პერსპექტივებსა და ერთობლივ პროექტებზე. შეხვედრას ბსუ-ს რექტორის მოადგილე გიორგი ქათამაძე და საერთაშორისო ურთიერთობების სამსახურის უფროსი თამარ დუნდუა ესწრებოდნენ.

ბათუმის შოთა რუსთაველის სახელმწიფო უნივერსიტეტში ქიმიის, ბიოქიმიისა და ჯანმრთელობის მეცნიერებების საკითხებზე II გლობალური სიმპოზიუმი (GSCBH 2026) მიმდინარეობს. ორდღიანი სიმპოზიუმი ორგანიზაცია „ქიმია და ადამიანის ჯანმრთელობისა” და ბსუ-ს აგრარული და მემბრანული ტექნოლოგიების ინსტიტუტის ორგანიზებით იმართება.

აჭარის ავტონომიური რესპუბლიკის განათლებისა და სპორტის სამინისტროს ინიციატივითა და ფინანსური მხარდაჭერითა და ბათუმის შოთა რუსთაველის სახელმწიფო უნივერსიტეტის ორგანიზებით გამართული საქართველოს მეცნიერებათა ეროვნული აკადემიის დაარსებიდან 85 წლის იუბილესადმი მიძღვნილი ორდღიანი სამეცნიერო კონფერენცია მკვლევართა საზეიმო დაჯილდოების ცერემონიით დასრულდა.

ბსუ-ში ბათუმის შოთა რუსთაველის სახელმწიფო უნივერსიტეტის ორგანიზებითა და აჭარის ა.რ. განათლებისა და სპორტის სამინისტროს ინიციატივითა და ფინანსური მხარდაჭერით საქართველოს მეცნიერებათა ეროვნული აკადემიის დაარსებიდან 85 წლის იუბილესადმი მიძღვნილი სამეცნიერო კონფერენცია გაიხსნა.

ბათუმის შოთა რუსთაველის სახელმწიფო უნივერსიტეტში 2026 წლის სტუდენტთა სამეცნიერო კონფერენციის საუკეთესო ნაშრომების ავტორ სტუდენტთა დაჯილდოების ცერემონია გაიმართა.