17 მაისს, 12:00 საათზე, ბათუმის შოთა რუსთაველის სახელმწიფო უნივერსიტეტში, 55-ე აუდიტორიაში გაიმართება სამეცნიერო კონფერენცია „ბათუმის ბულვარი - წარსული და თანამედროვეობა“. ბათუმის სახელმწიფო უნივერსიტეტისა და ბათუმის ბულვარის თანამშრომლობის ფარგლებში დაგეგმილ სამეცნიერო სესიაში მონაწილეობის მიღება შეეძლებათ ბულვარის თემატიკით დაინტერესებულ პირებს.
ბათუმის ბულვარი საქართველოს საბაღე-საპარკო ხელოვნების ეროვნული მნიშვნელობის ძეგლი და ამასთანავე სარეკრეაციო ზონაა. იგი არსებობის 137 წელს ითვლის და მდიდარი ისტორიით გამოირჩევა. პირველი სამეცნიერო კონფერენცია - „ბათუმის ბულვარი - წარსული და თანამედროვეობა“ გააერთიანებს როგორც ბათუმის ბულვარის ისტორიით, განაშენიანებითა და ღირშესანიშნაობებით დაინტერესებულ მკვლევრებს, ისე ბიო-მრავალფეროვნების და ეკოლოგიის სპეციალისტებს.
სამეცნიერო კონფერენციის ფარგლებში, უნივერსიტეტის შადრევანთან მოეწყობა ძველი და ახალი ბულვარის წარსულის და თანამედროვეობის ამსახველი ფოტოგამოფენა.
გთხოვთ, 10 მაისამდე მოხსენებები გადმოგზავნოთ ელფოსტაზე: tamar.siradze@bsu.edu.ge
| უკან |
