ტურიზმის ფაკულტეტზე საქართველოს ინოვაციების და ტექნოლოგიების სააგენტოს ბათუმის ტექნოპარკის მენეჯერმა ქეთევან ბულისკერიამ პრაქტიკული და ინტერაქციული ტრენინგი ჩაატარა თემაზე - „როგორ ვაქციოთ იდეა წარმატებულ ბიზნესად?“. ღონისძიება განხორციელდა ავსტრიის საერთაშორისო პარტნიორობის მხარდაჭერით, პროექტ „ახალგაზრდული მეწარმეობა სოფლის განვითარებისთვის“ (RDYE-2)“ - ფარგლებში.

ტურიზმის ფაკულტეტზე ტურისტული კომპანია შპს „ჯუნი ტურსის“ (JUNNY TOURS) წარმომადგენლებთან შეხვედრა გაიმართა. შეხვედრაზე სტუდენტებს შესაძლებლობა ჰქონდათ გაცნობოდნენ Galt & Taggart-ის უახლეს კვლევას საქართველოსა და აჭარის ეკონომიკის შესახებ, მიეღოთ ინფორმაცია ტურიზმის სფეროში არსებულ ტენდენციებსა და განვითარების პერსპექტივებზე.

10-16 ოქტომბერს, Erasmus+ KA171 ICM Program for Academic Staff Mobility პროექტის ფარგლებში, ბათუმის შოთა რუსთაველის სახელმწიფო უნივერსიტეტის ტურიზმის ფაკულტეტის დეკანი, ასოცირებული პროფესორი ნარგიზ ფალავანდიშვილი და ასოცირებული პროფესორი ეკატერინე ბახტაძე იმყოფებოდნენ პოლონეთის, პოზნანის ფიზიკური განათლების უნივეტსიტეტში (Poznan University of Physical Education - AWF).

ბათუმის შოთა რუსთაველის სახელმწიფო უნივერსიტეტის აკადემიური პერსონალის ოფიციალური ვიზიტი აქსარაის უნივერსიტეტში წარმატებით დასრულდა. ვიზიტის მიზნად ისახავდა უნივერსიტეტებს შორის სამეცნიერო-საგანმანათლებლო და პროფესიული თანამშრომლობის გაღრმავებას, გამოცდილების გაზიარებასა და სამომავლო ერთობლივი ინიციატივების დაგეგმვას.

ტურიზმის ფაკულტეტი აფუძნებს კურსდამთავრებულთა კლუბს, რომლის მიზანია დიპლომის მიღების შემდგომ კურსდამთავრებულთა შორის პროფესიული კომუნიკაციისა და ურთიერთობების შენარჩუნება, მეგობრული კავშირების გაღრმავება, გამოცდილებისა და ცოდნის გაზიარება, ასევე ერთობლივი პროფესიული და საზოგადოებრივი ინიციატივების განხორციელება.