ეკონომიკისა და ბიზნესის ფაკულტეტის „ფინანსების“ და „ბიზნესის ადმინისტრირების“ საბაკალავრო საგანმანათლებლო პროგრამის სტუდენტებმა ასოც. პროფესორ რამინ ცინარიძის და მოწვეული უფროსი მასწავლებლის ალეკო მელაძის ხელმძღვანელობით საბაჟო გამშვები პუნქტი „სარფი“ და გაფორმების ეკონომიკური ზონა „ბათუმი" (ადლია) - მოინახულეს.
ბათუმის შოთა რუსთაველის სახელმწიფო უნივერსიტეტმა სამუშაო-ინფორმაციულ შეხვედრას უმასპინძლა თემაზე: „თანამედროვე საქართველოს ეკონომიკური ურთიერთობები და ტურიზმი“, რომელშიც ბსუ-სა და ამერიკის შეერთებული შტატების პროფესორ-მასწავლებლები მონაწილეობდნენ. შეხვედრაზე მოხსენებები წარადგინეს ბსუ-ს ასოცირებულმა პროფესორმა, ეკატერინე ბახტაძემ და ასისტენტ პროფესორმა, ტარიელ გიორგაძემ. ღონისძიების დასასრულს გაიმართა დისკუსია, სადაც მონაწილეებმა იმსჯელეს ეკონომიკისა და ტურიზმის სფეროში არსებულ თანამედროვე ტენდენციებზე და ორმხრივ თანამშრომლობაზე.
ბათუმის შოთა რუსთაველის სახელმწიფო უნივერსიტეტმა ტაშკენტის მეცნიერებისა და ტექნოლოგიების უნივერსიტეტის სტუდენტებსა და პროფესორ-მასწავლებლებს უმასპინძლა. სტუმრებს ბსუ-ს რექტორი, ტიტე აროშიძე ფაკულტეტების დეკანებთან ერთად შეხვდა. რექტორმა ხაზი გაუსვა ორ უნივერსიტეტს შორის წარმატებული თანამშრომლობის მნიშვნელობას და სტუმრებს წარმატებული ვიზიტი უსურვა.
ლარის 30 წლის იუბილესადმი მიძღვნილ მაღალი დონის საერთაშორისო კონფერენციაში, რომელიც 29-31 მაისს თბილისის „შერატონ მეტეხი პალასში" ჩატარდა, მონაწილეობა მიიღეს ბათუმის შოთა რუსთაველის სახელმწიფო უნივერსიტეტის ეკონომიკისა და ბიზნესის ფაკულტეტის სტუდენტებმა - საბა ვარშანიძემ და საბა თურმანიძემ. სამდღიან ღონისძიებაში მონაწილეობა მიიღეს მაღალი რანგის სტუმრებმა, მათ შორის ცენტრალური ბანკების ხელმძღვანელებმა, ფინ-ტექ ინდუსტრიის ლიდერებმა, საერთაშორისო საფინანსო ინსტიტუტების წარმომადგენლებმა და ფინანსური და ეკონომიკური სფეროს ექსპერტებმა.
ბსუ-ში მსოფლიო ბანკის უფროსმა ეკონომისტმა, საიდა ისმაილახუნოვამ სტუდენტებისა და დაინტერესებული პირებისთვის საჯარო ლექცია წაიკითხა თემაზე: „სამუშაო ადგილებისა და უნარების მომავალი საქართველოში“. მონაწილეებმა ინფორმაცია მიიღეს იმ ცვლილებების შესახებ, რომელიც ახალი ტექნოლოგიებისა და ეკონომიკური დინამიკის შედეგად ვითარდება და გავლენას ახდენს პროფესიულ მიმართულებებზე.
