ბათუმის შოთა რუსთაველის სახელმწიფო უნივერსიტეტის ილია ჭავჭავაძის ბიბლიოთეკაში ეტაპობრივად სხვადასხვა ფაკულტეტის პირველკურსელებთან შეხვედრა გამართება. სტუდენტები ბიბლიოთეკაში მუშაობის წესებსა და საბიბლიოთეკო ელექტრონული ბაზებს გაეცნობიან.
ბათუმის შოთა რუსთაველის სახელმწიფო უნივერსიტეტის ილია ჭავჭავაძის ბიბლიოთეკის სამკითხველო დარბაზში საპრეზენტაციო სივრცე მოეწყო, რომელიც აღჭურვილია ინდივიდუალური და ჯგუფური პრეზენტაციის ტექნიკური საშუალებებით, რბილი ავეჯით და ფართოეკრანიანი ტელევიზორით. სივრცე დაეთმობა ბსუ-ს პროფესორ-მასწავლებელთა ნაშრომების და საუნივერსიტეტო კრებულების პრეზენტაციას, ასევე სტუდენტთა შემოქმედებითი აქტივობების წარმოჩენა-პოპულარიზაციას.
ილიაუნის პროფესორმა თამარ მახარობლიძემ, ბსუ-ს ილია ჭავჭავაძის ბიბლიოთეკას საჩუქრად გადმოსცა სახელმძღვანელოები. მათ შორის არის პროექტის ფარგლებში განხორცილებული სოციოლინგვისტური კვლევების კრებული „Vitalité sociolinguistique des langues des massifs montagneux” ჟან-ლეო ლეონარდის, ქსენია ჯორჯევიჩ ლეონარდისა და ფაბიო შეტის რედაქტორობით, რომელშიც ასევე შეტანილია ბსუ-ს პროფესორების კვლევები.
30 ივნისს, საქართველოს ეროვნულ სამეცნიერო ბიბლიოთეკაში ჩატარდა სამეცნიერო ელექტრონულ მონაცემთა ბაზებით დისტანციურად წვდომის პლატფორმის Remotexs-ის პრეზენტაცია, რომელსაც ესწრებოდა ბსუ-ს ილია ჭავჭავაძის ბიბლიოთეკის ელექტრონული რესურსების განყოფილების წამყვანი სპეციალისტი ნინო კორტავა. Remotexs პორტალის მეშვეობით ნებისმიერი ადგილიდან მარტივად ხელმისაწვდომი ხდება ბიბლიოთეკის ელექტრონული რესურსები: წიგნები, სამეცნიერო ჟურნალები და სამეცნიერო მონაცემები.
ბათუმის შოთა რუსთაველის სახელმწიფო უნივერსიტეტის ილია ჭავჭავაძის ბიბლიოთეკის ელექტრონული რესურსების განყოფილების წარმომადგენლებმა საერთაშორისო სამეცნიერო ბაზების - Elsevier-ისა და EBSCO-ის საინფორმაციო შეხვედრები ჩაატარეს. შეხვედრებზე სხვადასხვა ფაკულტეტის პროფესორ-მასწავლებლები და მეცნიერ-თანამშრომლები გაეცნენ ბაზებით სარგებლობის წესებს, ინფორმაციას ლიტერატურის მოძიებისა და რეგისტრაციის პროცედურების შესახებ.
