2021 წლის 16 სექტემბერს, სსიპ - ბათუმის შოთა რუსთაველის სახელმწიფო უნივერსიტეტი, ილიას სახელმწიფო უნივერსიტეტთან თანამშრომლობით, უმასპინძლებს მეორე საერთაშორისო კონფერენციას ,,აკადემიური გადაცდომის შემთხვევები უმაღლეს განათლებაში: დისტანციური სწავლების გამოწვევები პანდემიის პერიოდში“ “Academic Misconduct in Higher Education: Challenges of Emergency Remote Learning “. კონფერენცია ,,Erasmus+”-ის პროექტის „აკადემიური კეთილსინდისიერება ხარისხიანი სწავლისა და სწავლებისათვის ქართულ უმაღლეს საგანმანათლებლო დაწესებულებებში (“ACADEMIC INTEGRITY FOR QUALITY TEACHING AND LEARNING IN HIGHER EDUCATION INSTITUTIONS IN GEORGIA“ - INTEGRITY) ფარგლებში ტარდება და მისი მიზანია აკადემიური კეთილსინდისიერების დაცვის თვალსაზრისით არსებული გამოცდილების გაზიარება, შემთხვევების ანალიზი და არსებული პრაქტიკის შეჯამება, რაც დაეხმარება მონაწილეებს წარმატებული მაგალითების იდენტიფიცირებაში.
კონფერენციის სამუშაო თემებია:
- აკადემიური კეთილსინდისიერება და დისტანციური სწავლება;
- სტუდენტების შეფასება დისტანციური სწავლების დროს;
- სტუდენტების მოტივაცია დისტანციური სწავლებისას;
- სწავლების მეთოდები დისტანციური სწავლების დროს.
კონფერენციაზე ნაშრომის წარდგენის ფორმატია მოხსენება/პრეზენტაცია და/ან კვლევის ანგარიში.
კონფერენციაში მონაწილეობის მისაღებად აუცილებელია 2021 წლის 25 ივლისამდე გააგზავნოთ მოკლე ბიოგრაფია/CV და პრეზენტაციის მოკლე აბსტრაქტი (მაქსიმუმ 200-250 სიტყვა) შემდეგ ელექტრონულ მისამართზე: integrity@iliauni.edu.ge
კონფერენციის სამუშაო ენები: ქართული და ინგლისური.
| უკან |
