1. 2021 წლის ერთიანი ეროვნული გამოცდების შედეგად ბსუ-ში ჩარიცხვის უფლებამოპოვებული აბიტურიენტების ბსუ-ში რეგისტრაცია (ხელშეკრულების გაფორმება და პირადი საქმის გახსნა) განხორციელდება ბსუ-ს პირველ კორპუსში, მე-3 სართულზე (შოთა რუსთაველის დარბაზი - N55), 2021 წლის 07 სექტემბრიდან 17 სექტემბრის ჩათვლით (შაბათ-კვირის გარდა) პერიოდში, 10:00 სთ-დან 17:00 სთ-მდე, შემდეგი განრიგით:
ა) 2021 წლის 7 სექტემბერი - ჰუმანიტარულ მეცნიერებათა ფაკულტეტის საგანმანათლებლო პროგრამებზე (ქართული ფილოლოგია; ისტორია; ინგლისური ფილოლოგია; გერმანული ფილოლოგია; ფრანგული ფილოლოგია; რუსული ფილოლოგია; თურქული ფილოლოგია; თარგმანმცოდნეობა; ფილოსოფია; თურქეთისმცოდნეობა);
ბ) 2021 წლის 8 სექტემბერი - ეკონომიკისა და ბიზნესის ფაკულტეტის საგანმანათლებლო პროგრამებზე (,,ბიზნესის ადმინისტრირება“; ,,ეკონომიკა“);
გ) 2021 წლის 9 სექტემბერი - საბუნებისმეტყველო მეცნიერებათა და ჯანდაცვის ფაკულტეტის საგანმანათლებლო პროგრამებზე (ბიოლოგია; ეკოლოგია; გეოგრაფია; ქიმია; ფარმაცია; ფიზიკური მედიცინა და სამედიცინო რეაბილიტაცია; მედიცინა; სტომატოლოგია);
დ) 2021 წლის 10 სექტემბერი - ზუსტ მეცნიერებათა და განათლების ფაკულტეტის საგანმანათლებლო პროგრამებზე (მათემატიკა; ფიზიკა; კომპიუტერული მეცნიერებები; დაწყებითი საფეხურის მასწავლებლის მომზადების ინტეგრირებული საბაკალავრო-სამაგისტრო პროგრამა);
ე) 2021 წლის 13 სექტემბერი - იურიდიული და სოციალურ მეცნიერებათა ფაკულტეტის საგანმანათლებლო პროგრამებზე (სამართალმცოდნეობა; ევროპისმცოდნეობა; ფსიქოლოგია; საერთაშორისო ურთიერთობები; საჯარო მმართველობა);
ვ) 2021 წლის 14 სექტემბერი - ტექნოლოგიური ფაკულტეტის საგანმანათლებლო პროგრამებზე (მშენებლობა; ტელეკომუნიკაცია; არქიტექტურა; აგრონომია; სასურსათო ტექნოლოგია);
ზ) 2021 წლის 15 სექტემბერი - ტურიზმის ფაკულტეტის საგანმანათლებლო პროგრამაზე (ტურიზმი).
- ძვირფასო პირველკურსელებო, ბათუმის შოთა რუსთაველის სახელმწიფო უნივერსიტეტი ითვალისწინებს ქვეყანაში შექმნილ ეპიდვითარებას და პირველკურსელთა რეგისტრაციას აგრძელებს 17 სექტემბრის ჩათვლით.
2. ბსუ-ში რეგისტრაციისათვის აბიტურიენტმა (ან მისმა კანონიერმა წარმომადგენელმა) მატერიალური სახით უნდა წარმოადგინონ:
ა) პირადობის მოწმობის ასლი (დედანთან ერთად);
ბ) სრული ზოგადი განათლების დამადასტურებელი დოკუმენტის (ატესტატის) ნოტარიულად დამოწმებული ასლი;
გ) ორი ცალი ფოტოსურათი (3x4);
დ) სამხედრო აღრიცხვაზე ყოფნის დამადასტურებელი დოკუმენტის ასლი (ვაჟებისათვის);
ე) უცხო ქვეყანაში მიღებული განათლების აღიარების დამადასტურებელი დოკუმენტის ასლი (ასეთის არსებობის შემთხვევაში);
ვ) სწავლის საფასურის გადახდის ქვითარი.
3. ბსუ-ში სწავლის უფლების მქონე პირი (პირველსემესტრელი) ვალდებულია გაიაროს ადმინისტრაციული რეგისტრაცია - გადაიხადოს პირველი სემესტრის სწავლის საფასური (შესაძლებელია ეტაპობრივად გადახდა, მაგრამ ხელშეკრულების გაფორმებისთანავე, კერძოდ:
ა) არანაკლებ 800 ლარისა - იმ პირის მიერ, ვისაც არა აქვს მოპოვებული სახელმწიფო სასწავლო გრანტი ან სახელმწიფო პროგრამული დაფინანსებით სწავლის უფლება;
ბ) არანაკლებ 340 ლარისა - იმ პირის მიერ, ვისაც მოპოვებული აქვს 50%-იანი სასწავლო გრანტი;
გ) არანაკლებ 200 ლარისა - იმ პირის მიერ, ვისაც მოპოვებული აქვს 70%-იანი სასწავლო გრანტი;
სწავლის საფასურის გადახდა იწარმოებს შემდეგ რეკვიზიტებზე:
მიმღების ბანკი - სახელმწიფო ხაზინა;
მიმღების დასახელება - ხაზინის ერთიანი ანგარიში;
ბანკის კოდი -TRESGE 22;
მიმღების ანგარიში/სახაზინო კოდი - 7 0901 7289 – (უმაღლეს საგანმანათლებლო დაწესებულებებში სწავლის საფასური);
დანიშნულებაში უნდა მიეთითოს: სტუდენტის სახელი, გვარი, პირადი ნომერი, ფაკულტეტი, სპეციალობა, კურსი;
- დამატებითი შეკითხვების შემთხვევაში, დარეკეთ ნომერზე - 593 40 93 98;
- 2021-2022 სასწავლო წლის შემოდგომის სემესტრის სასწავლო პროცესი დაიწყება 4 ოქტომბერს!
შენიშვნა N1:
სამხედრო მოსამსახურეებისა და მათი ოჯახების წევრების (მეუღლე, შვილი) განათლების ხელშეწყობის მიზნით, ბსუ-ს აკრედიტირებულ საგანმანათლებლო პროგრამებზე (საბაკალავრო/მასწავლებლის მომზადების ინტეგრირებული საბაკალავრო-სამაგისტრო/სამედიცინო აკადემიურ უმაღლეს საგანმანათლებლო პროგრამებზე) სწავლის თანადაფინანსება შეიძლება განხორციელდეს ბსუ-ში გადასახდელი სწავლის წლიური საფასურის 30 %-ის ოდენობით, ამ კატეგორიის სტუდენტის მიერ პირველ სემესტრში წარმოდგენილი განცხადებისა და შესაბამისი დოკუმენტაციის (დაბადების მოწმობა, ქორწინების სარეგისტრაციო მოწმობა, ცნობა დასაქმების ადგილიდან და სხვა) საფუძველზე გამოცემული ბსუ-ს ადმინისტრაციის ხელმძღვანელის ბრძანებით;
შენიშვნა N2:
ბსუ-ში სწავლის საფასურის გადახდისაგან, შესაბამისი საგანმანათლებლო პროგრამით გათვალისწინებული კრედიტების საფასურის ფარგლებში, ადმინისტრაციის ხელმძღვანელის ბრძანებით თავისუფლდებიან მხოლოდ საბაკალავრო საგანმანათლებლო პროგრამის სტუდენტები, რომლებიც არიან მშობლების მზრუნველობას მოკლებულნი (დედ-მამით ობოლი ან უგზო-უკვლოდ დაკარგულად/გარდაცვლილად აღიარებული მშობლების შვილები). ბრძანება გამოიცემა სემესტრის დაწყებიდან არაუგვიანეს 1 (ერთი) თვისა სტუდენტის განცხადებისა და შესაბამისი დოკუმენტების წარმოდგენის შემთხვევაში. ადმინისტრაციის ხელმღვანელი უფლებამოსილია ამ კატეგორიის სტუდენტი გაათავისუფლოს ბსუ-ში სწავლის საფასურის გადახდისაგან:
ა) მიმდინარე სასწავლო სემესტრის დასაწყისიდან, თუკი განთავისუფლების ამ პუნქტით გათვალისწინებული საფუძველი არსებობდა ამ სემესტრის დაწყებამდე, თუმცა განცხადებისა და შესაბამისი დოკუმენტაციის წარმოდგენა სტუდენტმა საპატიო მიზეზით დააგვიანა (წარმოადგინა სემესტრის დასრულებამდე);
ბ) მომდევნო სასწავლო სემესტრის დასაწყისიდან, თუკი განთავისუფლების ამ პუნქტით გათვალისწინებული საფუძველი მიმდინარე სემესტრის განმავლობაში ან მომდევნო სემესტრის დაწყებამდე და სტუდენტმა წარმოადგინა განცხადება თანდართული დოკუმენტაციით.
დანართის სახით იხილეთ ,,ბსუ-ს სწავლის საფასურის გადახდის წესი“.
ბსუ-ს სწავლის საფასურის გადახდის წესი| უკან |
