ბათუმის შოთა რუსთველის სახელმწიფო უნივერსიტეტის პროფესორებმა და მკვლევრებმა შოთა რუსთაველის საქართველოს ეროვნული სამეცნიერო ფონდის 2022 წლის ფუნდამენტური კვლევების სახელმწიფო სამეცნიერო საგრანტო კონკურსში გაიმარჯვეს. სამეცნიერო პროექტებს სხვადასხვა მიმართულებით განახორციელებენ პროფესორები: მერაბ ხალვაში, ლელა თავდგირიძე, ასოცირებული პროფესორები: ნუგზარ ზოსიძე, ირაკლი ბარამიძე, მაია ვანიძე, ასისტენტ პროფესორი გიორგი ქათამაძე; აგრარული და მემბრანული ტექნოლიგიების ინსტიტუტის მთავარი მეცნიერ-თანამშრომელი ნინო მხეიძე და ფიტოპათოლოგიისა და ბიომრავალფეროვნების ინსტიტუტის უფროსი მეცნიერ-თანამშრომელი მზიური გაბაიძე.
ბათუმის შოთა რუსთაველის სახელმწიფო უნივერსიტეტი პროფესორებსა და მკვლევრებს ულოცავს მნიშვნელოვან გამარჯვებას და წარმატებებს უსურვებს.
გამარჯვებული სამეცნიერო საგრანტო პროექტები:
- ,,ისტორიული სამხრეთ-დასავლეთ საქართველოს ადმინისტრაციული მმართველობა (1878-1921 წწ.)'' - პროექტის ხელმძღვანელი, ბსუ-ს ჰუმანიტარულ მეცნიერებათა ფაკულტეტის ასოც. პროფესორი ნუგზარ ზოსიძე, პროექტის კოორდინატორი - ჰუმანიტარულ მეცნიერებათა ფაკულტეტის პროფესორი მერაბ ხალვაში.
- ,,პოლონელების დეპორტაცია საქართველოში და პოლონურ-ქართული გეოპოლიტიკური თანამშრომლობა (1830-1921)" - პროექტის ხელმძღვანელი, ბსუ-ს ჰუმანიტარულ მეცნიერებათა ფაკულტეტის ასოც. პროფესორი ირაკლი ბარამიძე, პროექტის კოორდინატორი - ჰუმანიტარულ მეცნიერებათა ფაკულტეტის პროფესორი კახაბერ სურგულაძე.
- ,,მცენარეული ნედლეულისა და გადამუშავების ანარჩენების ვალორიზაციის ინოვაციური ტექნოლოგიების შემუშავება გარემოზე უარყოფითი ზემოქმედების შესუსტების მიზნით ციკლური ეკონომიკის პრინციპების გამოყენებით" - პროექტის ხელმძღვანელი ბსუ-ს საბუნებისმეტყველო მეცნიერებათა და ჯანდაცვის ფაკულტეტის ასოც. პროფესორი მაია ვანიძე, პროექტის კოორდინატორი - საბუნებისმეტყველო მეცნიერებათა და ჯანდაცვის ფაკულტეტის პროფესორი ალეკო კალანდია.
- ,,ეკოლოგიურად სუფთა, უნარჩენო ტექნოლოგიის შემუშავება ნავთობპროდუქტებით დაბინძურებული წყლის გაწმენდისათვის" - პროექტის ხელმძღვანელი, ბსუ-ს აგრარული და მემბრანული ტექნოლოგიების ინსტიტუტის მთავარი მეცნიერ-თანამშრომელი ნინო მხეიძე, პროექტის კოორდინატორი- ბსუ-ს აგრარული და მემბრანული ტექნოლოგიების მთავარი მეცნიერ-თანამშრომელი ნინო კიკნაძე.
- ,,აჭარა-გურიის ციტრუსოვანთა პლანტაციებში გავრცელებული მავნებელდაავადებების შესწავლა და პათოგენთა კოლექციის შექმნა" - პროექტის ხელმძღვანელი, ფიტოპათოლოგიისა და ბიომრავალფეროვნების ინსტიტუტის უფროსი მეცნიერი თანამშრომელი მზიური გაბაიძე, პროექტის კოორდინატორი - ბსუ-ს ფიტოპათოლოგიისა და ბიომრავალფეროვნების ინსტიტუტის უფროსი მეცნიერ-თანამშრომელი გურამ მემარნე.
- ,,ზღაპრებიდან ეკონომიკურ ცნობიერებამდე" - პროექტის ხელმძღვანელი, ზუსტ მეცნიერებათა და განათლების ფაკულტეტის პროფესორი ლელა თავდგირიძე, პროექტის კოორდინატორი- ეკონომიკისა და ბიზნესის ფაკულტეტის ასისტენტ პროფესორი გიორგი ქათამაძე.
| უკან |
