ჰარვარდის დევისის ცენტრის ქართველოლოგიის პროგრამის ფარგლებში გამოცხადებულია უმცროსი მეცნიერ-თანამშრომელთათვის განკუთვნილი კონკურსი, ასევე მოკლევადიანი საგრანტო და სამეცნიერო-კვლევითი საგრანტო კონკურსები. აღნიშნულ სასტიპენდიო კონკურსებში მონაწილეობა შეუძლიათ საქართველოში ავტორიზებულ უმაღლესი საგანმანათლებლო დაწესებულებში მოღვაწე მეცნიერ-მკვლევრებს. კონკურსში საბუთების წარდგენის ბოლო ვადაა 2023 წლის 25 თებერვლამდე.
დეტალური ინფორმაცია ჰარვარდის დევისის ცენტრის ქართველოლოგიის პროგრამის ფარგლებში გამოცხადებული კონკურსების შესახებ იხილეთ შემდეგ მისამართზე: shorturl.at/qY235
2022 წლის თებერვლიდან საქართველოს მთავრობის ძალისხმევით, პირველად ჰარვარდის უნივერსიტეტის დევისის ცენტრში ამოქმედდა ქართველოლოგიის პროგრამა, რომელიც შედგება სამი კომპონენტისგან: კვლევები, სწავლება და სტიპენდიები. პროგრამა ხელს უწყობს როგორც საქართველოს ისტორიის, კულტურის, ლიტერატურისა და პოლიტიკის, ასევე ქვეყნის ეკონომიკური განვითარებისა და მეცნიერებაში შეტანილი წვლილის შესახებ აკადემიური ცოდნის გავრცელებას და გაცვლას.
| უკან |
