USAID-ის სოფლის მეურნეობის პროგრამისა და სურსათის ეროვნული სააგენტოს მიერ დაფინანსებულ კვლევაში „ახალი ინვაზიური მავნებლები ეროვნული გამოწვევა’’ ჩართული იყვნენ ბათუმის შოთა რუსთველის სახელმწიფო უნივერსიტეტის ასოცირებული პროფესორი, პროექტის კოორდინატორი ბსუ-ში ლალი ჟღენტი, საბუნებისმეტყველო მეცნიერებათა და ჯანდაცვის ფაკულტეტის ბიოლოგიის საბაკალავრო საგანმანათლებლო პროგრამის სტუდენტები - მარიამ ბერიძე, ნანა მამულაიშვილი, ეკოლოგიის საბაკალავრო საგანმანათლებლო პროგრამის სტუდენტები - გიორგი გეგიძე, თედო დუმბაძე და ბიომრავალფეროვნების მიმართულების მაგისტრანტი სალომე კალანდაძე.
USAID-ის სოფლის მეურნეობის პროგრამის და სურსათის ეროვნული სააგენტოს მხარდაჭერით, 2023 წლის 14 თებერვალს თსუ-ში ჩატარდა მესამე სტუდენტური კონფერენცია - ,,საქართველოში ინვაზიური მავნებლების მონიტორინგი და მართვის თანამედროვე მიდგომები’’, სადაც ბსუ-ს სტუდენტებმა სამწლიანი მონიტორინგის შედეგები წარადგინეს.
პროექტის ფარგლებში შესრულდა ოთხი საბაკალავრო ნაშრომი, ერთი საკონფერენციო თემა და მზადების პროცესშია სამაგისტრო ნაშრომი ბიომრავალფეროვნების მიმართულებით.
USAID-ის სოფლის მეურნეობის პროგრამისა და სურსათის ეროვნული სააგენტოს კვლევაში მონაწილეობდა საქართველოს 5 უნივერსიტეტი: ბათუმის შოთა რუსთაველის სახელმწიფო უნივერსიტეტი, ივანე ჯავახიშვილის სახელობის თბილისის სახელმწიფო უნივერსიტეტი, ილიას სახელმწიფო უნივერსიტეტი, აკაკი წერეთლის სახელმწიფო უნივერსიტეტი და იაკობ გოგებაშვილის სახელობის თელავის სახელმწიფო უნივერსიტეტი.
| უკან |
