ბსუ-ს რექტორი მერაბ ხალვაში, ტურიზმის ფაკულტეტის დეკანი ირაკლი კორძაია და ტურიზმისა და სასტუმრო აღჭურვილობის მე-14 საერთაშორისო გამოფენის „EBIT 2023-ის’’ სტაჟირებაში მონაწილე ტურიზმის ფაკულტეტის სტუდენტები, საქართველოს საერთაშორისო ინვესტორთა ასოციაციის თავმჯდომარე, ოსმან ჩალიშქან-მჟავანაძესთან ერთად სინოპის უნივერსიტეტს ეწვივნენ. ვიზიტის ფარგლებში, სამომავლო თანამშრომლობის გაღრმავების მიზნით, შეხვედრები გაიმართა სინოპის უნივერსიტეტის რექტორთან, გუბერნატორთან, მერთან, სინოპის კულტურისა და ტურიზმის დირექტორთან. ასევე შეხვედრები გაიმართა სინოპის, ფაცის, ჩარშამბის და სალიფაზარის ქართული კულტურისა და თანამეგობრობის ასოციაციის თავჯდომარეებთან და წევრებთან, ჩვენებურებთან. ვიზიტის დასასრულს დელეგაციის წევრები ქ. ტრაპიზონში საქართველოს გენერალურ კონსულს, გელა ჯაფარიძეს შეხვდნენ. შეხვედრის ფარგლებში გენერალურმა კონსულმა, სტუმრებს დეტალურად გააცნო გენერალური საკონსულოს მუშაობის სპეციფიკა და სტუდენტების შეკითხვებს უპასუხა.
ვიზიტის ფარგლებში, ბსუ-ს ტურიზმის ფაკულტეტის 30-მდე სტუდენტი სინოპის უნივერსიტეტის ინფრასტრუქტურას, ტურიზმის მიმართულების საგანმანათლებლო პროგრამებს და სინოპის ტურისტულ პოტენციალს გაეცნენ.
ვიზიტი საქართველოს საერთაშორისო ინვესტორთა ასოციაციისა და საერთაშორისო გამოფენებისა და ღონისძიებების კომპანია ,,ექსპო ბათუმის" მხარდაჭერით განხორციელდა.
| უკან |
