ბათუმის შოთა რუსთაველის სახელმწიფო უნივერსიტეტში 2023-2024 სასწავლო წლის შემოდგომის სემესტრისათვის სტუდენტთა აკადემიური რეგისტრაცია დაიწყო და 17 სექტემბერს დასრულდება. ასევე განისაზღვრა ადმინისტრაციული რეგისტრაციის - სწავლის სემესტრული საფასურის გადახდის ვადები (საფუძველი:2023 წლის 18 აგვისტოს N01-02/153 ბრძანება):
I ეტაპზე - 2023 წლის 15 სექტემბრიდან - 10 ოქტომბრის ჩათვლით სემესეტრული სწავლის საფასურის არანაკლებ 40%
II ეტაპზე - 2023 წლის 15 ნოემბრის ჩათვლით - სემესტრული სწავლის საფასურის არანაკლებ 30%
III ეტაპზე - 2023 წლის 25 დეკემბრის ჩათვლით სემესტრული სწავლის საფასურის არანაკლებ 30%
ბსუ-ს პირველი საფეხურის/მედიცინის და სტომატოლოგიის ერთსაფეხურიანი/დაწყებითი განათლების მასწავლებლის საბაკალავრო-სამაგისტრო/მასწავლებლის მომზადების (60 - კრედიტიანი / ქართულ ენაში მომზადების საგანმანათლებლო პროგრამაზე) ასევე სამაგისტრო და სადოქტორო პროგრამაზე ჩარიცხვის უფლებამოპოვებულმა პირებმა უნდა გადაიხადონ :
I ეტაპზე - არანაკლებ 800 ლარი
II ეტაპზე - (2023 წლის 15 ნოემბრის ჩათვლით) და III - ეტაპზე ( 2023 წლის 25 დეკემბრის ჩათვლით) სემესტრული სწავლის საფასურის გადაუხდელი ნაწილი, თანაბარწილად.
სადოქტორო პროგრამაზე ჩარიცხვის უფლებამოპოვებულმა პირებმა რეგისტრაციისთვის დადგენილ ვადებში, ბსუ-სთან ხელშეკრულების გაფორმებამდე უნდა გადაიხადონ:
I ეტაპზე - ბსუ-ში ჩარიცხვისათვის რეგისტრაცის და ხელშეკრულების გაფორმებისთანავე - არანაკლებ 1000 ლარი
II ეტაპზე - (2023 წლის 15 ნოემბრის ჩათვლით) და III - ეტაპზე ( 2023 წლის 25 დეკემბრის ჩათვლით) სემესტრული სწავლის საფასურის გადაუხდელი ნაწილი, თანაბარწილად.
სწავლის საფასურის გადახდა იწარმოებს შემდეგ რეკვიზიტებზე: მიმღები ბანკი - სახელმწიფო ხაზინა; მიღების დასახელება - ხაზინის ერთიანი ანგარიში; ბანკის კოდი - TRESGE 22; მიღების ანგარიში/სახაზინო კოდი - 7 0901 7289. გადახდის დანიშნულებაში უნდა მიეთითოს: სტუდენტის სახელი და გვარი; პირადი ნომერი; ფაკულტეტი; საგანმანათლებლო პროგრამა; პირველი სასწავლო წლის საფასური. ბსუ-ში ჩარიცხვის უფლებამოპოვებული არასრულწლოვანი აბიტურიენტის ნაცვლად, ბსუ-სთან ხელშეკრულების გაფორმებაზე უფლებამოსილია მისი მშობელი (კანონიერი წარმომადგენელი), სტუდენტობის კანდიდატის დაბადების მოწმობის ნოტარიულად დამოწმებული ასლისა და მშობლის (კანონიერი წარმომადგენლის) პირადობის მოწმობის ასლის წარმოდგენის შემთხვევაში.
| უკან |
